بند کریں
صحت صحت کی خبریںضلع اٹک میں چار روزہ پولیو ویکسین مہم 12جنوری کو شروع ہوگی ، ای ڈی او ہیلتھ

صحت خبریں

وقت اشاعت: 07/01/2015 - 12:36:38 وقت اشاعت: 06/01/2015 - 23:30:13 وقت اشاعت: 06/01/2015 - 23:26:32 وقت اشاعت: 06/01/2015 - 23:26:32 وقت اشاعت: 06/01/2015 - 23:20:01 وقت اشاعت: 06/01/2015 - 23:16:02 وقت اشاعت: 06/01/2015 - 23:15:58 وقت اشاعت: 06/01/2015 - 23:06:34 وقت اشاعت: 06/01/2015 - 23:02:54 وقت اشاعت: 06/01/2015 - 23:00:31 وقت اشاعت: 06/01/2015 - 22:22:08

ضلع اٹک میں چار روزہ پولیو ویکسین مہم 12جنوری کو شروع ہوگی ، ای ڈی او ہیلتھ

سنجوال کینٹ(آن لا ئن)ضلع اٹک میں پانچ سال عمر تک کے بچوں کو پولیو سے محفوظ رکھنے کے لیے چار روزہ پولیو ویکسین مہم رواں ماہ کی بارہ تاریخ کو شروع کی جارہی ہے۔ یہ ای ڈی او ہیلتھ اٹک ڈاکٹر مسرت حسین نے ڈی سی او اٹک چودھری حبیب اللہ کی زیر صدارت اجلاس میں بریفنگ دیتے ہوئے بتائی۔ اے ڈی سی اٹک کنزہ مرتضیٰ، ڈسٹرکٹ ہیلتھ آفیسر اٹک ڈاکٹر ملک عبادت کے علاوہ محکمہ پولیس، محکمہ تعلیم اور دیگر متعلقہ افسران بھی اس موقع پر موجود تھے۔

ڈی سی او اٹک چودھری حبیب اللہ نے اس موقع پر ہدایات جاری کرتے ہوئے کہا کہ ضلع بھر کی تحصیلوں میں پولیو مہم کے سو فیصد نتائج حاصل کرنے کے لیے متعلقہ ڈسٹرکٹ آفیسر ہیلتھ اور اسسٹنٹ کمشنروں کے مابین قریبی رابطہ انتہائی ضروری ہے جس کے لیے تحصیلوں میں روزانہ کی بنیادوں پر اجلاس منعقد کرکے کارکردگی کا جائزہ لیا جائے اور اس بارے میں رپورٹ ڈی سی او آفس اٹک کو ارسال کی جائے۔

ای ڈی او ہیلتھ اٹک نے بتایا کہ تعلیمی اداروں میں چھٹیوں کی وجہ سے خواتین سٹاف میں کمی کی صورت میں اس مرتبہ پولیو مہم کو دو مرحلوں میں تقسیم کیا گیا ہے جس کے مطابق بارہ جنوری سے پندرہ جنوری تک تحصیل حضرو، فتح جنگ اور حسن ابدال جبکہ دوسرے مرحلہ میں انیس جنوری سے بائیس جنوری تک تحصیل جنڈ ، پنڈی گھیب اور اٹک میں پولیو کے قطرے پلوائے جانے کی تجویز ہے۔

ڈی سی او اٹک نے انہیں کہا کہ اس سلسلہ میں اعلیٰ حکام سے رابطہ کرکے ان سے منظور ی لی جائے ۔ ای ڈی او ہیلتھ اٹک نے اجلاس کو پرائیویٹ سکولوں میں بچوں کو پولیو کے قطرے پلوانے کے سلسلے میں درپیش مشکلات سے آگا ہ کیا جس پر ڈی سی او اٹک نے محکمہ تعلیم کو ہدایت کی کہ وہ پرائیویٹ سکولز ایسوسی ایشن کا اجلاس بلوائیں اور انہیں اس بات کا پابند کریں کہ وہ اپنے اپنے اداروں میں زیر تعلیم بچوں کو ہر صورت پولیو ویکسین پلوائیں بصورت دیگر ان کے خلاف قانونی کاروائی عمل میں لائی جائے گی۔

انہوں نے محکمہ پولیس کو بھی پولیو ٹیموں کو سیکورٹی فراہم کرنے کی ہدایات جاری کیں۔ڈی سی او اٹک نے ضلع بھر میں پولیو مہم کے سو فیصد نتائج حاصل کرنے کے لیے مساجد اور سکولوں کی اسمبلیوں میں اعلانات کرانے کا بھی حکم جاری کیا۔

06/01/2015 - 23:16:02 :وقت اشاعت