بند کریں
صحت صحت کی خبریں مساجد و مدارس قرآن و سنت کی تعلیم کے مراکز اور قومی اثاثہ ہیں ، دہشتگردی کے خاتمہ کے عنوان ..

صحت خبریں

وقت اشاعت: 17/04/2015 - 12:28:19 وقت اشاعت: 16/04/2015 - 23:02:29 وقت اشاعت: 16/04/2015 - 22:50:10 وقت اشاعت: 16/04/2015 - 21:34:00 وقت اشاعت: 16/04/2015 - 21:32:25 وقت اشاعت: 16/04/2015 - 21:25:13 وقت اشاعت: 16/04/2015 - 21:07:37 وقت اشاعت: 16/04/2015 - 20:40:04 وقت اشاعت: 16/04/2015 - 20:09:02 وقت اشاعت: 16/04/2015 - 20:05:05 وقت اشاعت: 16/04/2015 - 19:34:58

مساجد و مدارس قرآن و سنت کی تعلیم کے مراکز اور قومی اثاثہ ہیں ، دہشتگردی کے خاتمہ کے عنوان سے ملک کا سیکولر طبقہ قومی ایکشن پلان اور قومی اتفاق رائے کو منتشر کرنے کیلئے ریاستی اداروں کا غلط استعمال کررہے ہیں ، حکومت اور سیکورٹی فورسز کے ادارے سازش سے باخبررہیں ، مساجد و مدارس کا ہر قیمت پر تحفظ کیا جائے گا ، پاکستان کے اسلامی نظریاتی اور فلاحی کردار پر کوئی سمجھوتہ نہیں ہوسکتا

جماعت اسلامی پاکستان اور ملی یکجہتی کونسل کے سیکرٹری جنرل لیاقت بلوچ کا علماء کنونشن سے خطاب

لاہور ( اُردو پوائنٹ اخبار تازہ ترین۔ 16اپریل۔2015ء ) جماعت اسلامی پاکستان اور ملی یکجہتی کونسل کے سیکرٹری جنرل لیاقت بلوچ نے کہاہے کہ مساجد و مدارس قرآن و سنت کی تعلیم کے مراکز اور قومی اثاثہ ہیں ۔ دہشتگردی کے خاتمہ کے عنوان سے ملک کا سیکولر طبقہ قومی ایکشن پلان اور قومی اتفاق رائے کو منتشر کرنے کے لیے ریاستی اداروں کا غلط استعمال کررہے ہیں ۔

حکومت اور سیکورٹی فورسز کے ادارے اس سازش سے باخبررہیں ۔ مساجد و مدارس کا ہر قیمت پر تحفظ کیا جائے گا اور پاکستان کے اسلامی نظریاتی اور فلاحی کردار پر کوئی کمپرومائز نہیں ہوسکتا۔ وہ جمعرات کو جمعیت اتحاد العلماء لاہور کے زیراہتمام علما کنونشن سے خطاب کررہے تھے ۔ لیاقت بلوچ نے کہاکہ مشرق وسطیٰ کا بحران عالم اسلام کے لیے بڑا خطرناک ہے ۔

سعودی عرب پاکستان کا بااعتماد اور محسن برادر اسلامی ملک ہے ۔ پاکستان متحمل نہیں ہوسکتا کہ عالم عرب میں اپنی حیثیت کو متنازعہ بنائے ۔ پارلیمنٹ کی قرارداد کے بعد بعض قوتوں نے منفی صورتحال پیدا کی ہے ۔ یہ حکومت کا کام ہے کہ پاکستان کے مفادات اور حق پر مبنی موقف کی حفاظت کرے ۔ سعودی عرب کے ساتھ مدد و تعاون میں کسی ہچکچاہٹ اور تذبذب کے بغیر اقدامات کیے جائیں ۔

لیاقت بلوچ نے کہاکہ عالمی اور سفارتی محاذ پر پاکستان کی مسلسل سبکی اس وجہ سے ہورہی ہے کہ کہ پاکستان کا وزیر خارجہ ہی نہیں ہر بیرونی مسئلہ کے لیے وزارت داخلہ اور وزارت دفاع حکومت پنجاب کا استعمال خود ملک کے لیے مسائل پیدا کررہاہے ۔ وزیراعظم فوری طور پر اہل اور تجربہ کار فرد کو وزیر خارجہ مقرر کریں ۔ لیاقت بلوچ نے کہاکہ این اے 246 کراچی میں جماعت اسلامی ضمنی انتخابات میں بھر پورحصہ لے رہی ہے ۔ مسلم لیگ ن ، جمعیت علمائے اسلام ، جمعیت علمائے پاکستان ، مسلم لیگ فنکشنل سے بات ہوئی ہے تو قع ہے کہ تمام دینی اور سیاسی جماعتیں جماعت اسلامی کے امیدوار راشد نسیم کی مدد کریں گی ۔

16/04/2015 - 21:25:13 :وقت اشاعت