بھارت،ڈینگی کی وبا پھوٹنے سے 9افراد ہلاک،متاثرہ افراد کی تعداد 1800 سے زائد ہوگئی

نئی دہلی (اُردو پوائنٹ اخبار تازہ ترین۔ 15 ستمبر۔2015ء ) بھارتی دارالحکومت نئی دہلی میں ڈینگی کی وبا پھوٹنے سے9 افراد ہلاک ہو گئے جبکہ متاثرہ افراد کی تعداد 1800 سے زائد ہوگئی ۔بھارتی میڈیا کے مطابق نئی دہلی میں ڈینگی کا شکار ہونے والے 9 افراد جان کی بازی ہار گئے مجموعی طور پر1800 سے زائد افراد خطرناک مرض ڈینگی میں مبتلا ہو گئے ہیں۔

(جاری ہے)

حکام کے مطابق پچھلے پانچ سال کے عرصے میں اس مرض کے حوالے سے سب سے بدترین صورتحا ل کا سامنا ہے دہلی کے وزیر اعلی اروند کیجریوال نے ہنگامی بنیادوں پر مرض سے نمٹنے کا حکم دیا ہے اورہسپتالوں میں ڈاکٹروں کی چھٹیاں منسوخ کر دی ہیں۔

دوسری طرف حکومت نے ڈینگی سے متاثرہ بچے کا علاج نہ کرنے پر کچھ ہسپتالوں کے خلاف تحقیقات شروع کر دی ہیں بچے کی ہلاکت کے بعد اس کے والدین نے خودکشی کی تھی۔

Your Thoughts and Comments