چونیاں ، اوباش نوجوانوں نے خواجہ سراء عدنان عرف کرن شہزادی کو اغواء کر لیا، مقدمہ درج ، وسیم نامی ملزم گرفتار

پیر 10 جنوری 2022 15:55

چونیاں (اُردو پوائنٹ اخبارتازہ ترین - این این آئی۔ 10 جنوری2022ء) چونیاں نواحی علاقہ الہ آباد سے سات اوباش نوجوانوں نے خواجہ سراء عدنان عرف کرن شہزادی کو اغواء کر لیا تھانہ الا آباد نے مقدمہ درج کر کے وسیم نامی ملزم گرفتار کرلیا ۔

(جاری ہے)

چونیاں نواحی علاقے آلہ آباد سے سات اوباش نوجوانوں نے خواجہ سراء عدنان عرف کرن شہزادی کو اغواء کرلیا ، ملزمان وسیم،پرویز،ابوبکر،صابی،راشد سلیمان وغیرہ نے خواجہ سراء کو الہ آباد کے علاقہ سے گن پوائنٹ پر اغواء کیا،ملزمان نے خواجہ سراؤں کاجل،سانولی و دیگر کو تشدد کا نشانہ بھی بنایا اور فائرنگ کرتے ہوئے بیس ہزار روپے چھین کر فرار ہو گئے، تھانہ الہ آباد پولیس نے ساتھی خواجہ سراء کاجل کی مدعیت میں مقدمہ درج کر کے ایک ملزم وسیم کو گرفتار کر کے تفتیش کا آغاز کر دیا ،ایس ایچ او تھانہ الا آباد کا کہنا کہ مغوی خواجہ سراء کرن کو جلد سے جلد برآمد کر لیں گے،خواجہ سراؤں نے مغوی کی جلد بازیابی اور اور ملزمان کے خلاف سخت سے سخت قانونی کاروائی کا مطالبہ کیا ہے۔