چین میں سائبرسیکیورٹی پبلسٹی ویک 2022 کا انعقاد

نیشنل سائبر سیکیورٹی آگاہی ہفتہ 5 سے 11 ستمبر تک چین بھر میں منایا جائے گا

پیر 5 ستمبر 2022 22:24

بیجنگ (اُردو پوائنٹ اخبارتازہ ترین - آن لائن۔ 05 ستمبر2022ء) چین میں سائبرسیکیورٹی پبلسٹی ویک 2022 کا آغاز چین کے صوبہ آن ہوئی کے شہر حے فے میں ہوا۔پیر کے روز چینی میڈ یا کے مطا بق اس اہم سرگرمی میں سائبر سیکیورٹی ایکسپو، سائبر سیکیورٹی ٹیکنالوجی سمٹ فورم، 8 ذیلی فورمز، سائبر سیکیورٹی ایونٹس وغیرہ شامل ہیں۔

(جاری ہے)

چینی حکومت، سائنسی تحقیقی اداروں اور کاروباری اداروں کی جانب سے تقریباً D1000 مہمان یوتھ سائبر پروٹیکشن، آٹوموبائل ڈیٹا سیکیورٹی، نیٹ ورک سیکیورٹی کے معیارات اور صنعتی آلات کی ترقی، مصنوعی ذہانت اور ذاتی معلومات کے تحفظ، کوانٹم سیکیورٹی، نیشنل ڈیفنس نیٹ ورک سیکیورٹی سمیت دیگر موضوعات پر تبادلہ خیال کریں گے اور قومی سائبرسیکیورٹی سے متعلق آگاہی اور تحفظ کی مہارتوں کو بہتر بنانے کی کوشش کریں گے۔

اطلاعات کے مطابق نیشنل سائبر سیکیورٹی آگاہی ہفتہ 5 سے 11 ستمبر تک چین بھر میں منایا جائے گا۔