فیصل آباد میں کورونا مریضوں کی مثبت شرح1 فیصدپر آگئی،ڈی ایچ او

فیصل آباد (اُردو پوائنٹ اخبارتازہ ترین - اے پی پی۔ 27 نومبر2021ء) فیصل آباد میں کورونامریضوں کی مثبت شرح1 فیصدپر آ گئی اور حالیہ24گھنٹوں میں کوروناکے مزید6نئے مثبت کیس رپورٹ ہوئے ، فیصل آباد میں اب تک کووڈ۔19سے جاں بحق افراد کی کل تعداد1047اور ایکٹو کیسز کی تعداد76 ہو گئی ہے ،الائیڈہسپتال میں اس وقت کووڈ۔19کے34،ڈی ایچ کیو ہسپتال میں 8اور گورنمنٹ جنرل ہسپتال غلام محمد آبادفیصل آبادمیں 3مریض داخل ہیں۔

اسی طرح25کنفرم مریض گھروں پر آئسولیشن میں ہیں۔ڈسٹرکٹ ہیلتھ اتھارٹی فیصل آباد کے ڈی ایچ او ڈاکٹر بلال احمدنے ہفتہ کو اے پی پی کو بتایا کہ فیصل آباد کی تمام سرکاری اور پرائیویٹ لیبارٹریز میں گزشتہ 24گھنٹوں کے دوران528افراد کے کورونا وائرس ٹیسٹ کئے گئے جن میں سے522افرادکے ٹیسٹ منفی اور6 افرادکے ٹیسٹ مثبت آئے ہیں۔

(جاری ہے)

انہوں نے بتایاکہ فیصل آباد میں اب تک کووڈ-19سے جاں بحق ہونیوالے افراد کی کل تعداد1047 اور ایکٹو کیسز کی تعداد76 ہو گئی ہے۔

انہوں نے بتایاکہ اب تک کووڈ-19کے25863مریض صحت یاب بھی ہوچکے ہیں۔انہوں نے بتایا کہ اس وقت الائیڈ ہسپتال میں کووڈ-19کے34، ڈسٹرکٹ ہیڈ کوارٹرز ہسپتال میں 8اور گورنمنٹ جنرل ہسپتال غلام محمد آبادفیصل آبادمیں 3مریض داخل ہیں۔انہوں نے بتایاکہ اس وقت کووڈ کے کنفرم25مریض گھروں پر آئسولیشن میں ہیں۔انہوں نے بتایا کہ فیصل آباد میں کووڈکے مریضوں کیلئے الائیڈ ہسپتال میں 200، ڈی ایچ کیو ہسپتال میں 52اور گورنمنٹ جنرل ہسپتال غلام محمد آباد فیصل آباد میں 150بیڈز مخصوص ہیں۔

انہوں نے بتا یا کہ الائیڈہسپتال میں 26 وینٹی لیٹرز سمیت شہر کے ڈی ایچ کیو اور غلام محمد آباد ہسپتالوں میں مجموعی طور پر47وینٹی لیٹرزموجود ہیں جنہیں بوقت ضرورت زیر استعمال لایا جا سکتا ہے۔انہوں نے بتایا کہ اگرچہ الائیڈ،ڈی ایچ کیو و جنرل ہسپتال غلام محمد آباد میں کووڈکے ممکنہ مریضوں کیلئے آکسیجن کی سہولت والے بیڈز وادویات وافرمقدار میں دستیاب ہیں تاہم پھر بھی احتیاطی تدابیرپرعمل درآمد ضروری ہے۔