معاون خصوصی برائے اطلاعات گلگت بلتستان ایمان شاہ کا ہنزہ کا مختصر دورہ

گلگت (اُردو پوائنٹ اخبارتازہ ترین - اے پی پی۔ 16 اپریل2024ء) معاون خصوصی برائے اطلاعات گلگت بلتستان ایمان شاہ نے ہنزہ کا مختصر دورہ کیا۔ اس موقع پر انہوں نے علی آباد میں آغا خان ہیلتھ سنٹر کا دورہ کیا۔ اس موقع پر انہوں نے ہیلتھ انتظامیہ اور مقامی کمیونٹی کو یقین دلایا کہ ہنزہ میں موجود سرکاری ہسپتالوں کے سپیشلسٹ ڈاکٹرز بھی ہیلتھ سنٹر میں کلینک کریں گے جس سے عوام استفادہ کریں گے۔

معاون خصوصی نے گنشن میں واقع اسوہ سکول اینڈ کالج کا دورہ کیاجہاں انہوں نے اسوہ سکول سے فارغ التحصیل ہوکر مختلف شعبوں میں خدمات سر انجام دینے والے پروفیشنلز ، سکول انتظامیہ اور اساتذہ سے ملاقات کی۔اس موقع پر انہوں نے کہا کہ اسوہ سکول اینڈ کالجز کی گلگت بلتستان میں معیاری تعلیم کے لئے خدمات قابل تحسین ہیں۔

(جاری ہے)

اس عظیم ادارے نے درجنوں ایسے پروفیشنلز پیدا کئے جو آج ملکی اور بین الاقوامی سطح پر خدمات سر انجام دے رہے ہیں۔

جن پر ہمیں فخر ہے۔ انہوں نے کہا کہ اسوہ سکول اینڈ کالج گنشن میں 500 سے زائد طلبا و طالبات زیور تعلیم سے مستفید ہورہے ہیں۔ اسوہ سکول گنشن کو درپیش مسائل کو حکومتی سطح پر حل کرنے کی بھرپور کوشش کریں گے۔ اس موقع پر پرنسپل اسوہ سکول گنشن عرفان کریم نے معاون خصوصی کا شکریہ ادا کیا۔معاون خصوصی نے علی آباد ، کریم آباد میں مختلف عوامی وفود سے بھی ملاقاتیں کی اور عوام کو درپیش مسائل سنے اور ان کو حل کرنے کی یقین دہانی کروائی۔