چیئرمین ایف بی آرشبرزیدی کی تعیناتی کیخلاف درخواست

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔20 مئی۔2019ء) چیئرمین ایف بی آرشبرزیدی کی تعیناتی کیخلاف درخواست پر عدالت نے درخواست گزارکواستدعا کرنے کی وجہ اورگراﺅنڈ بتانے کی ہدایت کرتے ہوئے کیس کی تیاری کا حکم دے دیا. تفصیلات کے مطابق اسلام آباد ہائی کورٹ میں چیئرمین ایف بی آر شبر زیدی کی تعیناتی کیخلاف درخواست پر سماعت ہوئی ، سماعت اسلام آباد ہائی کورٹ کے سنگل رکنی بنچ جسٹس میاں گل حسن اورنگ زیب نے کی.

ایف بی آر کے انیسویں گریڈ کے آفسر علی محمد نے شبر زیدی کی تعیناتی کو چیلنج کیا ہے.

(جاری ہے)

درخواست گزار کے وکیل نے عدالت کے روبرو موقف اختیارکیا موجودہ چیئرمین ایف بی آر کی تعلیمی قابلیت عہدے سے مطابقت نہیں رکھتی، تعیناتی غیر قانونی قرار دے کرانھیں بطورچیئرمین ایف بی آرکام کرنے سے روک دیا جائے. وکیل نے کہا پرائیویٹ سیکٹر سے ایف بی آر میں تعیناتیاں روکی جائیں، ایف بی آر کے ریگولر افسران کے ساتھ امتیازی سلوک نہ برتا جائے، چیئرمین ایف بی آر کے لیے قابل آفسران کی تعیناتی پر غور کیا جائے.

جسٹس میاں گل حسن اورنگ زیب نے کہا عدالت کو درخواست دے کی وجہ اور گراﺅنڈ بتائیں، سپریم کورٹ کی کوئی ججمنٹ کا حوالے دیں، سروس کووانٹو کے حوالے سے سپریم کورٹ کی ججمنٹ پڑھ لیں، عدالت کو متعین کریں پھر دلائل دیں. عدالت نے درخواست گزار کے وکیل کو کیس کی تیاری کا حکم دے دیا اورسماعت ایک ہفتے تک کے لئے ملتوی کر دیا. یاد رہے 3 روز قبل فیڈرل بورڈ آف ریونیو کے نئے چیئرمین شبر زیدی کی تعیناتی کو اسلام آباد ہائیکورٹ میں چیلنج کیا تھا ، درخواست چیئرمین ایف بی آر کو فریق بنایا گیا تھا.سروس کووانٹو کے حوالے سے سپریم کورٹ کی ججمنٹ پڑھ لیں، عدالت کو متعین کریں پھر دلائل دیں.

عدالت نے درخواست گزار کے وکیل کو کیس کی تیاری کا حکم دے دیا اورسماعت ایک ہفتے تک کے لئے ملتوی کر دیا.