امریکی خاتون بغیر ویزے کے پاکستان پہنچ گئیں

بدھ 16 جنوری 2019 23:15

اسلام آباد (اُردو پوائنٹ اخبارتازہ ترین - آن لائن۔ 16 جنوری2019ء) امریکہ سے خاتون بغیر ویزے کے پاکستان پہنچ گئی۔میڈیا رپورٹس میں بتایا گیا ویزا کے بغیر پاکستان پہنچنے والی امریکی خاتون سونیا پاریز کو واپس امریکا ڈپورٹ کر دیا گیا،وفاقی تحقیقاتی ادارے ایف آئی اے کے مطابق امریکہ خاتون قطر ائیرلائن سے اسلام آباد ائیریورٹ پہنچی تھیں اور ان کے پاس پاکستان کا ویزا نہیں تھا۔

امیگریشن حکام نے سونیا سیتا پاریز کو اٴْسی پرواز کے ذریعے سے واپس امریکہ ڈی پورٹ کر دیا۔واضح رہے اس سے قبل بھی ایک ایسا ہی واقعہ پیش آیا تھا جب جون 2016ئ میں کرسٹائل نکول نامی امریکی خاتون کو امیگریشن حکام نے اسلام آباد ائیرپورٹ دے ڈی پورٹ کیا تھا جو کہ بغیر ویزے کے پاکستان آئیں تھیں۔

(جاری ہے)

میڈیا رپورٹس میں مزید بتایا گیا تھا کہ ابوظہبی سے آنے والی امریکی خاتون کرسٹائل نکول کو ملک بدر کردیا گیا‘ امریکی خاتون اتحاد ایئرلائن کی پرواز سے اسلام آباد پہنچی تھی۔

کرسٹائل نکول کے پاس مکمل دستاویزات نہیں تھیں۔ امریکی خاتون اتحاد ایئرلائن کی پرواز نمبر231 پر اسلام آباد پہنچی تھی اور امیگریشن حکام نے خاتون کو اسی پرواز سے ڈی پورٹ کیا تھا۔اور آج پھر ایسا ہی واقعہ پیش آیا جب امریکی خاتون سونیا پاریز بغیر ویزے کے پاکستان پہنچ گئیں تاہم انہیں اٴْسی پرواز کے ذریعے سے واپس امریکہ ڈی پورٹ کر دیا گیا تھا۔