سندھ ہائی کورٹ،پی ٹی آئی کے رہنماسمیر شیخ کی جے آئی ٹی بنانے کی استدعامنظور،مزید سماعت15جون تک ملتوی

منگل 20 اپریل 2021 16:43

کراچی(اُردو پوائنٹ اخبارتازہ ترین - این این آئی۔ 20 اپریل2021ء) سندھ ہائیکورٹ میں پی ایس 88 ضمنی انتخاب میں پولیس مقابلہ اور فارم ہائوس کی توڑ پھوڑ کے دوران حملے کے کیس میں پی ٹی آئی کے رہنما سمیر شیخ کی شفاف تحقیقات کے لیے جے آئی ٹی بنانے کی استدعا کردی۔منگل کوسمیر شیخ کے وکیل نے عدالت کو بتایا کہ پی ایس 88میں جلائو گھیرائوکیس میں عبوری ضمانت ہائیکورٹ سے حاصل کی ہے، عبوری ضمانت حاصل کرنے کے بعد دوسرے کیس میں بدنیتی پر گرفتار کیا گیا۔

(جاری ہے)

وکیل سمیر شیخ نے کہاکہ میرے موکل کو سیاسی انتقام کا نشانہ بنایا جارہا ہے۔پی ٹی آئی کے رہنما سمیر شیخ کے وکیل نے عدالت میں کہاکہ میرے موکل کیخلاف جو مقدمات بنائے گئے اس پر جے آئی ٹی بنائی جائے، عدالت نے استفسار کیا کہ کیس ٹرائل کورٹ میں چل رہا ہے تو جے آئی ٹی کیسے بنائی جائی وکیل درخواست گزار نے کہاکہ ہمیں مہلت دی جائے آئندہ سماعت پر جے آئی ٹی بنانے کیلئے دلائل دینگے، اس پر ہائیکورٹ نے سمیر شیخ کے وکیل کی مہلت کی استدعا منظور کرلی اور درخواست کی مزید سماعت 15 جون تک ملتوی کردی۔