لاہور چیمبر کے زیراہتمام کاروباری برادری کا کشمیرسے اظہار یکجہتی، مکمل حمایت کا عزم

پیر اگست 18:51

لاہور چیمبر کے زیراہتمام کاروباری برادری کا کشمیرسے اظہار یکجہتی، ..
لاہور۔19 اگست(اُردو پوائنٹ اخبارتازہ ترین - اے پی پی۔ 19 اگست2019ء) لاہور چیمبر کے زیراہتمام ایک اجلاس اور مظاہرے میں کاروباری برادری نے کشمیریوں سے مکمل یکجہتی کا اظہار کرتے ہوئے آزادی کے لیے جدوجہد کی مکمل حمایت کرنے کے عزم کا اعادہ کیاہے۔

(جاری ہے)

اس موقع پر کشمیر کے حریت پسند رہنما یسین ملک کی اہلیہ مشعال ملک ، لاہور چیمبر کے قائم مقام صدر خواجہ شہزاد ناصر، نائب صدر فہیم الرحمن سہگل، میاں انجم نثار، شاہد حسن شیخ، محمد علی میاں، سہیل لاشاری، عرفان اقبال شیخ، ناصر حمید خان، ابوذر شاد، نعیم میر، خالد پرویز، اشرف بھٹی اور مختلف شعبہ ہائے زندگی سے تعلق رکھنے والے افراد موجود تھے، مشعال ملک نے اپنے خطاب کے دوران مقبوضہ کشمیر کا ایشوبھرپور طریقے سے اجاگر کرنے پر لاہور چیمبر کا شکریہ ادا کیا، انہوں نے کہا کہ مقبوضہ کشمیر میں بھارتی جارحیت اور مسلسل کرفیو کی وجہ سے انسانی المیہ جنم لے رہا ہے، خوراک ، ادویات اور دیگر اشیا کی شدید قلت ہے جبکہ ہر گزرتے دن کے ساتھ بھارتی جارحیت بڑھ رہی ہے، انہوں نے عالمی میڈیا پر زور دیا کہ وہ بھارتی مظالم دنیا کے سامنے اجاگر کرے، کشمیر میں مردوں، خواتین یہاں تک کہ بچوں کو شہید کیا جارہا ہے، مسلم دنیا کو بھارتی جارحیت پر ایکشن لینا چاہیے، محمد علی درانی نے کہا کہ کشمیرمیں دنیا کا طویل ترین ظالمانہ مارشل لا نافذ ہے، کشمیریوں کے حقوق کابدترین استحصال کیا جارہا ہے لیکن انڈیا کو یہ جان لینا چاہیے کہ پاکستان کے بائیس کروڑ عوام اپنے کشمیری بھائی بہنوں کے شانہ بشانہ کھڑے ہیں، لاہور چیمبر کے قائم مقام صدر خواجہ شہزاد ناصر اور نائب صدر فہیم الرحمن سہگل نے کہا کہ کشمیر پاکستان کی شہ رگ ہے اور پاکستان کی تاجر برادری مشکل کی اس گھڑی میں اپنے کشمیری بھائیوں کو کسی قیمت پر تنہا نہیں چھوڑے گی، اسلامی تعاون تنظیم اور اقوام متحدہ کو کشمیر میں انسانی حقوق کی پامالی اور کشمیریوں کے قتل عام کا نوٹس لے اور سخت اقدامات اٹھائے، انہوں نے کہا کہ کشمیر کا مسئلہ کشمیریوں کی مرضی سے حل ہونا چاہیے، انہوں نے کہا کہ پاکستانی تاجر برادری نے مقبوضہ کشمیر کی موجودہ صورتحال کے بارے میں تشویش کا اظہار کیا ہے، پاکستانی تاجر برادری کو مقبوضہ کشمیر میں معصوم لوگوں کا سفاکانہ قتل عام ہر گز قبول نہیں اور وہ اپنے کشمیری بھائیوں کے شانہ بشانہ کھڑے ہیں، ہندوستانی حکومت کا غیر ذمہ دارانہ فعل خطے میں امن و سکون کے امکانات کیلئے خطرے کی گھنٹی بجا رہا ہے،انہوں نے کہا کہ مقبوضہ کشمیرکافی عرصے سے پاکستان اور انڈیا کے مابین کشیدہ مسئلہ ہے جو نہ صرف خطے میں کشیدگی کا باعث ہے بلکہ بین الاقوامی امن کیلئے بھی بڑا خطرہ ہے جبکہ انڈیا کشمیریوں کے انسانی حقوق کی پامالی اور نہتے کشمیریوں کے قتل میں مصروف ہے،لاہور چیمبر کے عہدیداران نے کہا کہ انڈیا زیادہ دیر کشمیر کو اپنا اندرونی مسئلہ قرار دے کر حقیقت سے انکار نہیں کر سکتا کیونکہ جموں و کشمیر بین الاقوامی سطح پر متنازع ریاست کی حیثیت رکھتے ہیں، انہوں نے کہا کہ بھارتی فورسز کشمیریوں کے حق آزادی کو پوری طاقت کے ساتھ روند رہی ہیں ،انہوں نے کہا کہ پاکستانی تاجر برادری کشمیری بھائیوں کے حق خود ارادیت کو تسلیم کرنے کے حق میں بھرپور حمایت کرتی ہے ۔

لاہور شہر میں شائع ہونے والی مزید خبریں:

Your Thoughts and Comments