اڑھائی سو سال لگ جائیں یہ کرپشن ثابت نہیں کرسکیں گی: شہباز شریف

پیر 28 ستمبر 2020 22:44

لاہور (اُردو پوائنٹ اخبارتازہ ترین - آن لائن۔ 28 ستمبر2020ء) پاکستان مسلم لیگ ن کے صدر اور اپوزیشن لیڈر قومی اسمبلی شہباز شریف نے کہا ہے کہ اڑھائی سو سال لگ جائیں۔ یہ کرپشن ثابت نہیں کرسکیں گے۔ میں ایک خطا کار انسان ہوں، سب اللہ سے گناہوں کی معافی مانگتے ہیں اور میں بھی اپنے گناہ کی معافی مانگتا ہوں گزشتہ روز لاہور ہائیکورٹ کے دو رکنی بینچ کے روبرو منی لانڈرنگ کیس میں دائر کی گئی درخواست عبوری ضمانت کی سماعت کے دوران اپنے وکلاء کی جانب سے دلائل ختم ہونے کے بعد عدالت کی اجازت پر اپنے خیالات کا اظہار کرتے ہوئے شہباز شریف نے کہا کہ انہوں نے اپنے دورہ اقتدار میں بہت کام کیا۔

اس حوالے سے وہ کتابچہ عدالت میں پیش کرچکے ہیں۔ ان کی تفصیلات میں نہیں جائونگا۔ تاہم بہت سے کام کرنا ابھی باقی ہیں۔

(جاری ہے)

انہوں نے عدالت کا شکریہ ادا کرتے ہوئے کہا کہ انہوں نے اپنے ادوار میں دن رات عوام کی خدمت کی ریکیورمنٹ کی مد میں پاکستان کے ایک ہزار ارب روپے بچائے انہوں نے کہا کہ پیپرا رول کے مطابق کم بولی دینے والوں کو ٹھیکے دینے چاہئے۔ انہوں نے سندھ کے مقابلے میں گنے کی قیمت زیادہ رکھی اورنج لائن ٹرین منصوبے میں ضمیر کی آواز پر 600 ملین روپے بچائے اپنے بچوں اور بھائیوں کی مخالفت کے باوجود چینی کی درآمد پر ایکسائز ڈیوٹی عائد کی جبکہ ان کے بچوں اور بھائیوں کو 90 کروڑ روپے کا نقصان پہنچایا۔