امریکامیں 15 سالہ لڑکی نے ماں اور بہن ذبح کرڈالیں،پولیس مصروف تفتیش

خاتون نے جب ایمرجنسی ہیلپ نمبرپرطلاع دی تو اس کی آخری سانسیں چل رہی تھیں،پولیس

منگل 25 ستمبر 2018 11:50

واشنگٹن (اُردو پوائنٹ اخبارتازہ ترین - این این آئی۔ 25 ستمبر2018ء) امریکی پولیس نے چند روز قبل ریاست الاسکا میں ایک لڑکی کے ہاتھوں اس کی ماں اور بہن کے قتل کے خطرناک اسکینڈل کی تفصیلات جاری کرتے ہوئے کہاہے کہ بیٹی کے چاقو کے وار سے شدید زخمی ماں نے پولیس کو ایمرجنسی ہیلپ نمبر911 پر جب اطلاع دی تو اس کی آخری سانسیں چل رہی تھیں۔عرب ٹی وی کے مطابق یہ واقعہ الاسکا میں پیش آیا جب ایک پندرہ سالہ لڑکی نے اپنے والدہ44 سالہ روزا مینٹا مالڈوناڈو اور اپنی ہمشیرہ روزالی مالڈوناڈو کو البیون کے مقام پر گھر میں چاقو کے وار سے قتل کردیا تھا۔

امریکی پولیس کا کہنا تھا کہ جب انہیں 911 پر ایک خاتون کے چیخنے اور چلانے کی آواز سنی تو وہ انتہائی مشکل سے بات کررہی تھی۔ وہ چلا رہی تھی مگرتکلیف کی شدت سے اس سے بولا نہیں جا رہا تھا۔

(جاری ہے)

اس کی سانسیں اکھڑ چکی تھیں۔ پولیس ابھی تک یہ معلوم نہیں کرسکی آیا اس مجرمانہ وارات کا اصب سب کیا ہے تاہم تحقیقات کا عمل جاری ہے۔ذرائع کا کہنا تھاکہ جس گھر میں بیٹی کے ہاتھوں ماں اور بہن کو قتل کیا گیا اس میں ایک خانگی تنازع کے حل کے لیے پہلے بھی ایک بار پولیس کو مداخلت کرنا پڑی تھی۔

لڑکی نے اپنی بڑی ہمشیرہ اور والدہ دونوں کو قصاب کے ٹوکے سے وار کرکے موت کے گھاٹ اتار دیا۔ پولیس کو گھر سے کئی چاقو اور چھریاں ملی ہیں۔ حکام کا کہنا ہے کہ ماں اور بہن کو قتل کرنے والی لڑکی خود بھی خود کشی کرنا چاہتی تھی۔ اس نے خود کشی کی ناکام کوشش کی تاہم اسے زخمی حالت میں گرفتار کرلیا گیا تھا۔