نوشہرہ،پولیس نے سپیئرپارٹس کی دوکان سے چوری کرنے والے ملزم کو گرفتار کر لیا

اتوار 5 دسمبر 2021 17:40

نوشہرہ (اُردو پوائنٹ اخبارتازہ ترین - این این آئی۔ 05 دسمبر2021ء) تھانہ اکبرپورہ پولیس نے سپیئرپارٹس کی دوکان سے چوری کرنے والے ملزم کو گرفتار کر لیا۔نشاندہی پر مالمسروقہ برآمد۔30-11-2021کو فیاض ساکن حکیم آباد نوشہرہ نے پولیس کو رپورٹ درج کرتے ہوئے کہا کہ اسکی بانڈہ شیخ اسماعیل میں سپئیر پارٹس کی دوکان سے نامعلوم چوروں نے سپئیر پارٹس اور نقد رقم چوری کر لئے ہیں۔

(جاری ہے)

نیک زمان خان SHO اکبرپورہ نے موقع سے شواہد اکھٹے کرکے ملزم کی تلاش شروع کر دی۔موجود شواہد سے پولیس کو علم ہوا کہ ملزم قریبی علاقے سے ہی ہے۔علاقے میں مشتیبگان کی چھان بین شروع کر دی گئی۔ پیشہ وارانہ صلاحیتوں سے ملزم تک رسائی حاصل کرتے ہوئے ملزم شہزاد عرف طورے ولد سید محمد ساکن بانڈہ شیخ اسماعیل کو گرفتار کر لیا گیا۔ملزم کی نشاندہی پر مال مسروقہ برآمد کر لیا گیا۔مزید تفتیش جاری ہے۔

متعلقہ عنوان :

نوشہرہ شہر میں شائع ہونے والی مزید خبریں:

Your Thoughts and Comments