سعودی عرب ریاض کے کنٹری کلب میں پاک یونائیڈڈ ریاض کرکٹ گالا ٹینس بال ڈے اینڈ نائیٹ ٹورنامنٹ کروایا گیا

ریاض (اُردو پوائنٹ اخبارتازہ ترین۔ 21 جنوری2019ء) پاک یونائیٹڈ کرکٹ گالہ تفریحی تقریب میں تبدیل، ریاض میں موجود پاکستانیوں کی بھرپور شرکت۔ تفصیلات کے مطابق ریاض کے کنٹری کلب کرکٹ گراونڈ میں ایک شاندار کرکٹ ٹورنامنٹ کا اہتمام کیا گیا جس میں پاکستان سے تعلق رکھنے والے افراد سمیت بڑی تعداد میں خواتین اور بچوں نے شرکت کی، ٹورنامنٹ کا اہتمام ریاض کے ابھرتے ہوئے نوجوان صحافی، فوٹو گرافر اور سماجی کارکن خرم خان نے کیا ۔

ابتدائی میچ ۔پاک یونائیٹڈ گرین جس کے کپتان احسن عباسی تھے اور ۔پاک یونائیٹڈ اسٹالین جس کے کپتان راجہ زاہد تھے ان کے درمیان ہوا ۔ پاک اسٹالین نے عمدہ کھیل کی وجہ سے میچ جیت لیا ، اور عمدہ کارکردگی کا مظاہرہ کیا ۔

(جاری ہے)

ٹورنامنٹ کا دوسرا میچ ۔کے پی کے انصافین جس کے کپتان عبید الله اور پنجاب انصافین جس کے کپتان ملک کامران تھے ان کے درمیان منقعد ہوا اور کے پی کی انصافین نے اعلی کارکردگی کا مظاہرہ کرتے ہوئے 35 رنز/ وکٹ سے میچ جیت لیا ۔

ٹورنامنٹ کا فائنل میچ پاک یونائیٹڈ سٹالین اور کے پی کے انصافین کے درمیان ہوا کے پی کے انصافین نے یہ میچ ۔5 وکٹ سے جیت لیا کے پی کے انصافین کی ٹیم میں نمایاں کارکردگی کا مظاہرہ کرتے ہوئے فائنل میچ لیا بلے بازوں نے انتہائی اچھا سکور کیا ۔

اور 6 وکٹیں لیں جبکہ دوسری پوزیشن حاصل کرنے والی پنجاب انصافین کی طرف سے 5 وکٹ سے جیت لیا ، ٹورنامنٹ کے دوران کھلاڑی کی طرف سے لگائے گئے چوکوں، چھکوں یا وکٹ گرنے پر ناظرین تالیاں بجا کر اور پاکستانی گانوں اور ملی نغموں کے دھنیں بکھیر کر خوب داد دیتے رہے اس موقع پر بچوں اور خواتین کی بہت بڑی تعداد بھی موجود تھی جو پورا دن کرکٹ کے ساتھ ساتھ گانوں اور مختلف انواع کےکھانوں سے لطف اندوز ہوتے رہے۔

تقریب میں ریاض میں موجود سیاسی و سماجی تنظیموں کے رہنماوں اور صحافیوں نے بھی بڑی تعداد میں شرکت کی۔ تقریب کے اختتام پر مہمان خصوصی رفیع اللہ اور دیگر نے بچوں میں خصوصی انعامات اور عمدہ کارکردگی کا مظاہرہ کرنے والے کھلاڑیوں میں شیلڈز اور جیتنے اور رنرز اپ ٹیموں کو ٹرافیاں دی گئیں۔ اختتامی تقریب کی کمپئرنگ ریاض کے معروف کمپیئر عمیر شیخ نے کی اور اپنے مخصوص انداز میں بچوں سے جنرل نالج کے سوالات کئے اور انعامات تقسیم کئے ۔

تقریب کے اختتام پر ایونٹ آرگنائزر خرم خان نے تمام منتظمین خصوصا انجینئر کاشف رانا، وسیم خان ، اور ملک کامران سرور کا شکریہ ادا کیا ، اور خراج تحسین پیش کیا خرم خان نے ٹورنامنٹ میں شرکت کرنے پر تمام ناظرین، سیاسی و سماجی تنظیموں کے رہنماوں خواتین اور بچوں اور خصوصی طور پر مختلف سٹال لگانے والے افراد کا شکریہ ادا کیا جن کی وجہ سے ایک کامیاب تقریب کا اہتمام ممکن ہو سکا ۔

اس کرکٹ میچ کو خاص طور پر ہمنوا لیڈیز کلب ، اے آر سپورٹس ، اور تکبیر سپورٹس نے سپونسر کیا جس پر خرّم۔ خان، ملک کامران اور وسیم خان نے آصف شیخ ، مس مدیحہ اور تکبیر سپورٹس کے سی ای اؤ منیر احمد شاد کا شکریہ ادا کیا ۔ پروگرام کی رونق دوبالا کرنے کے لیئے اور اس مزید جدت لانے میں انصاف پروفیشل فورم کے صدر ڈاکٹر احمد ندیم بھٹی صاحب کی طرف سے کھلاڑیوں کو معقول مشورے اور دماغی نشونما پر تفصیلی روشنی ڈالی ۔ پروگرام کے آرگنائزر خرم خان نے آخر میں تمام میڈیا یا سوشل میڈیا سمیت تمام ریاض کمیونٹی کا شکریہ ادا کیا۔