وزیراعظم کی چیئرمین پی سی بی کو”تبدیلیاں“جاری رکھنے کی ہدایت
باغی ارکان کوشوکاز نوٹس جاری ہونے کا امکان،حکام کسی کے دباﺅ میں نہیں آئیں گے،ایم ڈی کی تقرری کا فیصلہ برقراررہے گا:ذرائع
ذیشان مہتاب ہفتہ 20 اپریل 2019 12:16
لاہور(اردو پوائنٹ تازہ ترین اخبار۔20اپریل2019ء) وزیر اعظم عمران خان نے چیئرمین پی سی بی کو ”تبدیلیاں“لانا جاری رکھنے کی ہدایت کردی۔کوئٹہ میں گورننگ بورڈ کا اجلاس غیرمعمولی ثابت ہوا اور 5 ارکان نے ڈومیسٹک کرکٹ میں مجوزہ تبدیلیوں اور ایم ڈی وسیم خان کے تقرر پر احتجاج کرتے ہوئے بائیکاٹ کر دیا، انھوں نے اپنی دستخط شدہ قرارداد بھی میڈیا کے سامنے پیش کی جس میں ایم ڈی کی تقرری کو کالعدم قرار دیا گیا ، بورڈ نے نامناسب رویے پر اگلے روز ایک رکن نعمان بٹ کو معطل کر دیا۔اس دوران ایسی اطلاعات آئیں کہ وزیر اعظم عمران خان نے چیئرمین پی سی بی احسان مانی پر اظہار برہمی کرتے ہوئے انھیں میٹنگ کیلئے طلب کر لیا ہے تاہم پی سی بی ذرائع کا یہ موقف رہاکہ یہ ملاقات کافی پہلے سے طے تھی، گذشتہ روز قومی ورلڈکپ سکواڈ نے وزیر اعظم سے ملاقات کی تو اس وفد میں احسان مانی بھی شامل تھے۔
واپس جانے سے قبل چیئرمین پی سی بی کی خواہش پر عمران خان نے ان سے اکیلے میں 5 منٹ تک گفتگوکی، اس موقع پر بورڈ کے سرپرست اعلیٰ نے احسان مانی سے کہا کہ وہ ”تبدیلیاں“ لانا جاری رکھیں اور ان کے ہر اقدام کو مکمل حمایت حاصل رہے گی۔ذرائع نے مزید بتایا کہ احسان مانی نے کسی کی ”بلیک میلنگ“ میں نہ آتے ہوئے مجوزہ تبدیلیوں پر عملدرآمدکرنے کا فیصلہ کرلیا ہے،ادھر ”باغی گروپ“ میں بھی پھوٹ پڑ چکی اور بعض نے اعلیٰ حکام سے رابطہ کر کے اپنے رویے پر پشیمانی ظاہر کی ہے،انکا کہنا تھا کہ بغیرپڑھے قرارداد پر دستخط کیے، بعد میں اندازہ ہوا کہ ایسا نہیں کرنا چاہیے تھا، بورڈ نے ایک رکن کیخلاف تو ایکشن لے لیا دیگرکو بھی شوکاز نوٹس جاری کیے جائیں گے، ذرائع کے مطابق نئے ڈومیسٹک سسٹم سے بہت سے افراد کے مفادات کو ضرب پہنچے گی اس لیے وہ احتجاج کریں گے، حکام نے فیصلہ کر لیا ہے کہ وہ کسی کے دباﺅ میں نہیں آئیں گے اور وسیم خان کی بطورایم ڈی تقرری کا فیصلہ بھی تبدیل نہیں ہوگا، بورڈ کئی آپشنز پر غور کر رہا ہے، البتہ ان میں سے کوئی بھی ایسا نہیں جس سے ”باغی گروپ“ کے سامنے جھکنے کا تاثر سامنے آئے،وزیر اعظم عمران خان کی جانب سے بھرپور سپورٹ نے بورڈحکام کے حوصلے مزید توانا کر دیے ہیں۔
(جاری ہے)
وقت اشاعت : 20/04/2019 - 12:16:38
مزید متعلقہ خبریں پڑھئیے :
Pakistan tour of Ireland 2024
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
پانچواں ویمنز ٹی ٹوئنٹی : ویسٹ انڈیز ویمنز کی 8 وکٹوں سے کامیابی، سیریز چار ایک سے اپنے نام کرلی
-
نیشنل چیلنج کپ فٹ بال ٹورنامنٹ ، ماشا یونائیٹڈ نے پاکستان نیوی کو شکست دیدی
-
پاکستان تمام فارمیٹس میں ٹاپ پوزیشنز لینے میں ناکام
-
انٹرنیشنل کرکٹ کونسل نے ٹی ٹوئنٹی ورلڈ کپ کے آفیشلز کا اعلان کر دی
-
نیشنل چیلنج کپ فٹ بال ٹورنامنٹ میں ماشا یونائیٹڈ فٹ بال ٹیم نے پاکستان نیوی کو ایک سخت مقابلے کے بعد 0-1 گول سے ہرا دیا
-
بنگلہ دیش نے زمبابوے کو پہلے ٹی ٹونٹی انٹرنیشنل میں 8 وکٹوں سے شکست دے دی