انگلش پریمیئر فٹ بال لیگ، لیورپول، چیلسی، ویسٹ ہام، لیسٹر، کرسٹل پیلیس اور سائوتھمٹن کلب کی فتوحات، مانچسٹریونائیٹڈ کو شکست

لندن۔ (اُردو پوائنٹ اخبارتازہ ترین - اے پی پی۔ 25 اگست2019ء) انگلش پریمیئر فٹ بال لیگ میں لیور پول، چیلسی، ویسٹ ہام، لیسٹر، کرسٹل پیلیس اور سائوتھمٹن کلب نے اپنے اپنے میچز جیت لئے، مانچسٹر یونائیٹڈ کو شکست کا سامنا کرنا پڑا۔

(جاری ہے)

پریمیئر لیگ کے سلسلے میں کھیلے گئے میچز میں لیور پول نے آرسنل کو 3-1 گولز سے ہرا کر کامیابی سمیٹی، محمد صلاح نے 2 گولز کر کے ٹیم کی جیت میں کلیدی کردار ادا کیا۔

چیلسی نے ناروچ کو دلچسپ مقابلے کے بعد 3-2 گولز سے شکست دی۔ سائوتھمٹن کلب نے شاندار کھیل کا مظاہرہ کرتے ہوئے برائٹن کلب کو 2-0 گولز سے زیر کیا۔ مانچسٹریونائیٹڈ کو کرسٹل پیلیس کے ہاتھوں 2-1 گولز سے شکست کا سامنا کرنا پڑا۔ لیسٹر کلب نے شیف یونائیٹڈ کو شکست فاش سے دوچار کیا۔ ویسٹ ہام نے واٹفورڈ کو 3-1 گولز سے ہرا کر کامیابی اپنے نام کی۔