12 کھلاڑی پہلی بار ہوم گراﺅنڈ پر ون ڈے انٹرنیشنل کھیلیں گے
محمد عامر،فخر زمان، عماد وسیم، امام الحق، شاداب خان ، محمد حسنین اور آصف علی ہوم گراﺅنڈ پر ون ڈے ڈیبیو کے منتظر
ذیشان مہتاب پیر 23 ستمبر 2019 16:33
لاہور(اردو پوائنٹ تازہ ترین اخبار۔23ستمبر2019ء) فاسٹ باﺅلر محمد عامر، آل راﺅنڈر عماد وسیم اور افتخار احمد سمیت قومی ٹیم کے 12 کھلاڑی پہلی بار ہوم گراﺅنڈ پر ہوم کراﺅڈ کے سامنے انٹرنیشنل ون ڈے میچ کھیلیں گے۔پاکستان اور سری لنکا کرکٹ ٹیمیں پہلے تین ون ڈے میچز کراچی میں کھیلیں گی، نیشنل سٹیڈیم میں ہونے والے ان میچز کے لیے پاکستان 16 رکنی سکواڈ کا اعلان کر چکا ہے۔قومی ٹیم کے سکواڈ کے 12 کھلاڑی ایسے ہیں جو پہلی مرتبہ ہوم گراﺅنڈ پر ون ڈے انٹرنیشنل کھیلیں گے۔ٹیسٹ کرکٹ سے ریٹائرمنٹ لینے والے محمد عامر بھی پہلی بار ہوم کراﺅڈ کے سامنے ون ڈے انٹرنیشنل کھیلیں گے۔فخر زمان، عماد وسیم، امام الحق، شاداب خان اور عثمان شنواری کو بھی ہوم گراو¿نڈ پر پہلی بار ون ڈے میچ کھیلنے کا موقع ملے گا۔
دوسری جانب محمد حسنین، محمد نواز، محمد رضوان، افتخار احمد، عابد علی اور آصف علی بھی ہوم گراﺅنڈ پر ون ڈے ڈیبیو کے منتظر ہیں۔یاد رہے کہ پاکستان 10سال کے طویل عرصے بعد سری لنکن ٹیم کی میزبانی کرنے کےلئے تیار ہے، آئی لینڈرز نے آخری بار 2009 ءمیں پاکستان کا دورہ کیا تھا لیکن لاہور ٹیسٹ کے دوران شدت پسندوں کی طرف سے حملے کے بعد سری لنکا ٹیم دورہ ادھورا چھوڑ کر اپنے وطن واپس لوٹ گئی تھی،اب 25ستمبر کو ہی سری لنکا کی کرکٹ ٹیم کی کراچی آمد شیڈول ہے، پاکستان اورسری لنکا کی کرکٹ ٹیموں کے درمیان تین ایک روزہ میچوں کی سیریزکا پہلا میچ 27ستمبر کو کھیلا جائےگا، 29ستمبر کودونوں ٹیمیں ایک بار پھر نیشنل سٹیڈیم میں ایک دوسرے کے مدمقابل ہوںگی جبکہ سیریز کا تیسرا اور آخری میچ 2اکتوبر کو کھیلا جائےگا، پاکستان اورسری لنکا کی ٹیموں کے درمیان تین ٹونٹی20میچوں کی سیریز 5 اکتوبر سے لاہور میں شروع ہوگی اور10اکتوبر کو سری لنکن ٹیم وطن واپس روانہ ہوجائےگی ۔
(جاری ہے)
وقت اشاعت : 23/09/2019 - 16:33:10
مزید متعلقہ خبریں پڑھئیے :
Pakistan tour of Ireland 2024
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
میجر لیگ کرکٹ2024ء کا آغاز 5 جولائی سے ہوگا،ایم ایل سی اور دی ہنڈرڈ کے شیڈول میں 6 روز کا ٹکرائو
-
انٹرڈیپارٹمنٹ ٹینس ٹورنامنٹ ، پاکستان ایئر فورس نے واپڈا کو شکست دے کر ٹائٹل اپنے نام کرلیا
-
بنگلہ دیش نے زمبابوے کو تیسرے ٹی ٹونٹی میچ میں 9 رنز سے شکست دیدی، سیریز میں 0-3 کی فیصلہ کن برتری
-
لاڑکانہ، شہید محترمہ بینظیر میڈیکل یونیورسٹی کے تیرہویں سالانہ سپورٹس ویک کاآغاز
-
آئر لینڈ اور انگلینڈ سے ٹی ٹوئٹنی سیریز کھیلنے کیلئے قومی کرکٹ ٹیم لاہور ائیرپورٹ سے آئر لینڈ روانہ
-
آئر لینڈ اور انگلینڈ سے ٹی ٹونٹی سیریز کیلئے قومی کرکٹ ٹیم آئر لینڈ روانہ ،قا ئم مقام گورنر پنجاب کی لاہور ائیرپورٹ پر قومی کرکٹ ٹیم سے ملاقات