زمبابوے کیخلاف تیسرے ایک روزہ میچ میں خوشدل شاہ ون ڈے ڈیبیو کریںگے

راولپنڈی(اردو پوائنٹ تازہ ترین اخبار ۔3 نومبر 2020ء ) زمبابوے کے خلاف تیسرے ایک روزہ میچ میں خوشدل شاہ ون ڈے ڈیبیو کریں گے۔ تیسرے میچ کیلئے پلئینگ الیون میں امام الحق ، فخرزمان ، بابراعظم(کپتان) ، حیدرعلی ، محمدرضوان(وکٹ کیپر) ، افتخاراحمد ، خوشدل شاہ (ڈبیو)، وہاب ریاض، شاہین آفریدی ، محمد حسنین اور محمد موسی شامل ہوں گے۔ آل راونڈر فہیم اشرف کی طبعیت ناساز( فوڈ پوائزننگ ) ہو گئی جس کے بعد ٹیم مینجمنٹ نے انہیں آرام دے دیا ۔

(جاری ہے)

یاد رہے کہ پاکستان اور زمبابوے کے درمیان سیریز کا تیسرا اور آخری ون ڈے انٹرنیشنل آج راولپنڈی میں کھیلا جائے گا۔ میچ دوپہر 12 بجے شروع ہوگا۔ بابر الیون کو سیریز میں دو-صفر کی فیصلہ کن برتری حاصل ہے۔ ون ڈے سیریز کے اختتام کے بعد دونوں ٹیموں کے درمیان 3 ٹی ٹوئنٹی میچز بھی کھیلے جائیں گے جو کہ 8،7 اور10 نومبر کو راولپنڈی میں ہی شیڈول ہیں۔