ہرارے،عابد علی کے زور دار سٹروک پر زمبابوے کے کھلاڑی کائیا زخمی

ہرارے (اردو پوائنٹ تازہ ترین اخبار۔ 8 مئی 2021ء ) پاکستان کرکٹ ٹیم کے نوجوان بیٹسمین عابد علی کے زوردار سٹروک پر زمبابوے کے کھلاڑی کائیا زخمی ہوگئے۔ ہرارے میں کھیلے جانے والے دوسرے ٹیسٹ کے دوران عابد علی کے شارٹ کی گیند شارٹ لیگ پر فیلڈنگ کرنے والے کائیا کی ران پر لگی جس کے بعد کائیا کو سٹریچر پر میدان سے باہر لے جایا گیا۔

(جاری ہے)

یاد رہے کہ گزشتہ روز کھیل کے پہلے دن قومی ٹیم نے ٹاس جیت کر بیٹنگ کا آغاز کیا اور دن کے اختتام تک 4 وکٹوں کے نقصان پر 268 رنز بنائے، اظہر علی نے 126 رنز کی شاندار اننگز کھیلی اور آؤٹ ہوگئے تاہم عابد علی سنچری بنانے کے بعد بھی وکٹ پر موجود ہیں جب کہ آج دوسرے دن کا کھیل جاری ہے۔

واضح رہے کہ 2 ٹیسٹ میچوں کی سیریز میں قومی ٹیم کو 0-1 کی برتری حاصل ہے، پاکستان نے پہلے ٹیسٹ میں زمبابوے کو ایک اننگز 116 رنز سے شکست دی تھی۔