کووڈ انیس کے بعد اسپین کے شہر بارسلونا میں 40 پلس کرکٹ لیگ کا آغاز

کاتالونیا ریڈ،  بلیو ، گرین، اورنج اور بلیک کے نام سے 5 ٹیمیں تشکیل دی گئی ہیں جنہوں نے کرکٹ گراونڈ کو خوبصورت رنگوں سے بھر دیا ہے ۔

کرکٹ کے اس ایونٹ کو براہ راست فیڈریشن کی لائیو سٹریم پر دکھانے کا انتظام بھی کیا گیا ہے۔
ڈھلتی عمروں ، بڑھتی توندوں اور سفید بالوں کے باوجود کھلاڑیوں کے جذبے گراونڈ میں جوان نظر آ رہے ہیں ۔
یاد رہے بلدیہ بارسلونا میں حالیہ شراکتی بجٹ میں بذریعہ ووٹنگ ایشین کمیونٹی نے 16 لاکھ یوروز کی لاگت سے تیار ہونے والا کرکٹ گراونڈ بھی منظور کروایا ہے۔ مئیر بارسلونا " ادا کولاو"  اور شراکتی بجٹ کے انچارج" مارک سیرا سول" نے اس تاریخی کامیابی پر ایشین کمیونٹی کو مبارکباد  دیتے ہوئے مقامی ترقیاتی منصوبوں میں ایشین شہریوں کی دلچسپی کو خوش آئند قرار دیا تھا۔