دیر لوئر سپورٹس میلہ (کل) سے شروع ہوگا

پشاور(اُردو پوائنٹ تازہ ترین اخبار۔ 9اگست 2014ء) دیر لوئر میں کل11 اگست سے سپورٹس میلہ کا آغاز ہورہا ہے جس کا باضابطہ افتتاح ڈپٹی کمشنر دیر لوئر کرینگے ، میلہ 20 اگست تک جاری رہے گا جس کیلئے تمام انتظامات کو حتمی شکل دیدی گئی ہے ، تفصیلات کے مطابق ڈسٹرکٹ سپورٹس آفس دیر لوئرکے تعاون سے سالانہ سپورٹس میلہ کل سے رنگا رنگ تقریب میں شروع ہورہا ہے جس میں میجر ایونٹس کبڈی ، والی بال ، کرکٹ، رسہ کشی اور باسکٹ بال کے علاوہ دیگر علاقائی گیمز بھی شامل ہیں ۔

(جاری ہے)

ڈسٹرکٹ سپورٹس آفیسر ابرار احمد کے مطابق تمام گیمز مختلف وینوز پر کھیلی جائینگی جس کا فائنل 20 اگست کو کھیلا جائیگا۔