امارات کی کرکٹ ٹیم نے ایشیا کپ 2025 کے لیے کوالیفائی کرلیا

دبئی(اُردو پوائنٹ اخبارتازہ ترین - آن لائن۔ 27 اپریل2024ء) متحدہ عرب امارات کی کرکٹ ٹیم نے کو اے سی سی مینز پریمیئر کپ کے فائنل میں عمان کو 55 رنز سے شکست دیکر 9 برس بعد ایشیا کپ 2025 کے لیے کوالیفائی کرلیا۔اس فتح کو کپتان محمد وسیم کے ساتھ ساتھ نوجوان بلے باز علی شان شرفو کی شاندار کارکردگی بھی شامل تھی جبکہ فاسٹ بولر جنید صدیقی نے ایان افضل خان کے ساتھ بولنگ اٹیک کی قیادت کرتے ہوئے متحدہ عرب امارات کو باآسانی فائنل جیتنے میں مدد کی۔

(جاری ہے)

محمد وسیم نے 56 گیندوں پر شاندار سنچری اسکور کی اور ان کے اوپننگ پارٹنر علی شان شرفو نے ان کا بھرپور ساتھ دیا جنہوں نے 94 رنز کی اوپننگ شراکت میں 34 رنز کی شراکت قائم کی۔جنید صدیقی نے 4 اوورز میں 38 رنز دیکر 3 وکٹیں حاصل کیں جبکہ ایان افضل خان نے 29 رنز کے عوض 2 وکٹیں لیں اور عمان کو مقررہ 20 اوورز میں 9 وکٹوں کے نقصان پر 149 رنز تک محدود کردیا۔ یواے ای کی ٹیم کے کپتان محمد وسیم نے اے سی سی پریمیئر کپ کا اختتام اپنے اوپننگ پارٹنر سے صرف 9 رنز پیچھے کرتے ہوئے کیا۔ وسیم کو ڈی پی ورلڈ آئی ایل ٹی 20 2024 میں چمکے زیادہ وقت نہیں گزرا ہے ، جہاں انہوں نے چیمپیئن شپ جیتنے والی اپنی ٹیم ایم آئی ایمریٹس کی کامیابی میں نمایاں کردار ادا کیا تھا۔