بیجنگ سرمائی اولمپکس کا بائیکاٹ نہیں کریں گے،فرانسیسی صدر

پیرس(اُردو پوائنٹ اخبارتازہ ترین - این این آئی۔ 10 دسمبر2021ء) فرانس کے صدرایمانویل میکخواں نے کہا ہے کہ بیجنگ سرمائی اولمپکس کا بائیکاٹ نہیں کریں گے۔میڈیارپورٹس کے مطابق فرانسیسی صدر ایمانویل میکخواں نے بیان میں کہا کہ بیجنگ سرمائی اولمپکس کا سفارتی بائیکاٹ جیسے اقدام کا کوئی فائدہ نہیں اوریہ محض علامتی ہے۔

(جاری ہے)

صدرمیکخواں کے مطابق یا تو مکمل بائیکاٹ کیا جائے اورایتھیلیٹس کوبھی نہ بھیجا جائے یا پھر حالات معمول پررکھ کر چیزوں کو بدلنے کی کوشش کی جائے۔

ہمیں کھیلوں کو سیاست زدہ نہیں کرنا چاہئیے۔امریکا،برطانیہ، کینیڈا اورآسٹریلیا نے چین میں انسانی حقوق کی خلاف ورزیوں کوجواز بنا کر فروری میں بیجنگ میں ہونے والے سرمائی اولمپکس 2022کے سفارتی بائیکاٹ کا اعلان کیا ہے۔