آصف علی انٹرنیشنل سپورٹس برانڈ کے ایمبیسڈر بن گئے

لاہور (اردو پوائنٹ تازہ ترین اخبار ۔ 17 دسمبر 2021ء ) بین الاقوامی سپورٹس برانڈ کی جانب سے اپنی تشہیر کے لیے پاکستانی کرکٹ ٹیم کے بہترین کھلاڑی آصف علی کا انتخاب کیا گیا ہے۔ ٹی20 ورلڈ کپ 2021ء میں بہترین پرفارمنس دینے والے سیدھے ہاتھ کے بلے باز آصف علی بین الاقوامی سپورٹس برانڈ ’پوما ‘ کے ایمبیسڈر بن گئے ہیں۔ آصف علی کی جانب سے یہ خوشخبری اپنے ٹویٹر اکاؤنٹ پر ایک تصویر شیئر کی جس میں اُن کا کہنا تھا کہ ’وہ مستقبل پر نظر رکھے ہوئے ہیں۔

(جاری ہے)

‘ اس تصویر میں آصف علی کی آنکھوں میں پوما برانڈ کا لوگو بھی دیکھا جا سکتا ہے۔ دوسری جانب سپورٹس کی دنیا کے انٹرنیشنل برانڈ پوما نے آصف علی کی یہ پوسٹ ری ٹوئٹ کرتے ہوئے اُنہیں اپنے برانڈ ایمبسیڈر بننے پر خوش آمدید کہا ہے۔ پوما برانڈ نے آصف علی کی ایک مختصر سی ویڈیو بھی جاری کی ہے۔