ہالینڈ کے کوین بوومین نے گیرو ڈی اٹالیہ سائیکل ریس کا ساتواں مرحلہ جیت لیا

ہفتہ 14 مئی 2022 11:58

ہالینڈ کے کوین بوومین  نے گیرو ڈی اٹالیہ سائیکل ریس کا ساتواں مرحلہ جیت لیا
روم (اُردو پوائنٹ اخبارتازہ ترین - اے پی پی۔ 14 مئی2022ء) ہالینڈ کے سائیکل سوار کوین بوومین نے گیرو ڈی اٹالیہ سائیکل ریس کا ساتواں مرحلہ جیت لیا۔ اٹلی میں گیرو ڈی اٹالیہ کا 105 واں ایڈیشن جاری ہے جس میں سائیکلنگ کی دنیا کے نامور سائیکل سوار ٹائٹل کے حصول کے لئے کوشاں ہیں۔ گیرو ڈی اٹالیہ سائیکل ریس کے ساتویں مرحلے میں سائیکل سواروں نے ڈی مانتے سے پوٹینزا تک کا فیصلہ طے کرنا تھا جو 196 کلو میٹر پر محیط تھا۔

(جاری ہے)

ہالینڈ کے سائیکل سوار کوین بوومین نے عمدہ سائیکلنگ کا مظاہرہ کرتے ہوئے 196 کلومیٹر کا فاصلہ 5 گھنٹے 12 منٹ اور 30 سیکنڈز میں طے کرکے ساتویں مرحلے میں پہلی پوزیشن حاصل کی۔ ہالینڈ کے ہی سائیکل سوار باوکے مولیما نے دوسری جبکہ میزبان سائیکل سوار ڈیوڈ فارمولو نے تیسری پوزیشن حاصل کی۔ گیرو ڈی اٹالیہ ایک گرینڈ ٹور سائیکلنگ سٹیج ریس ہے جو تین ہفتوں میں مکمل ہوگی، سائیکل ریس میں دنیا کے نامور سائیکلسٹس شریک ہیں۔ گیرو ڈی اٹالیہ سائیکل ریس 21 مرحلوں پر محیط ہے جس میں سائیکل سوار 3.445.6 کلو میٹر کا سفر طے کریں گے ۔ گیرو ڈی اٹالیہ سائیکل ریس میں 22 ٹیمیں ٹائٹل کے حصول کے لئے کوشاں ہیں۔ گیرو ڈی اٹالیہ سائیکل ریس 24 روز جاری رہنے کے بعد 29 کو اختتام پذیر ہوگی۔

مزید متعلقہ خبریں پڑھئیے‎ :

وقت اشاعت : 14/05/2022 - 11:58:28

Your Thoughts and Comments