فیفا ورلڈکپ 2022ء میں استعمال ہونے والا فٹبال سیالکوٹ میں تیار

لاہور (اردو پوائنٹ تازہ ترین اخبار ۔ 3 جون 2022ء ) رواں برس قطر میں شیڈول فیفا ورلڈکپ 2022ء میں استعمال ہونے والا فٹبال سیالکوٹ کی فیکٹری میں تیار کرلیا گیا۔ خلیجی ریاست میں ہونے جارہے اس ورلڈکپ کے لیے فٹبال کو’’الریہلا‘‘ کے نام سے متعارف کروایا گیا ہے۔ یہ فٹبال تیار کرنے والی سیالکوٹ کی اس فیکٹری کے سی ای او کا کہنا ہے کہ فٹ بال جدید ٹیکنالوجی کے مطابق آٹومیٹک مشینری سے تیار کیا گیا ہے۔

(جاری ہے)

انہوں نے کہا کہ الریہلا فٹ بال نومبر میں قطر میں ہونے والے ورلڈکپ میں استعمال ہوگا۔ انہوں نے یہ بھی بتایا کہ فٹ بال میں ذیادہ تر استعمال ہونے والا مٹیریل ری سائیکل شدہ ہے جو ماحول دوست ہوگا۔