’جسپریت بمراہ ٹوٹ کر فارغ ہوجائے گا‘ ، شعیب اختر کی پرانی ویڈیو وائرل

لاہور (اردو پوائنٹ تازہ ترین اخبار ۔ یکم اکتوبر 2022ء ) سابق سپیڈ سٹار شعیب اختر نے انجری کے شکار بھارتی فاسٹ بولر جسپریت بمرا سے متعلق دعویٰ کردیا۔ قومی ٹیم کے سابق اسپیڈ اسٹار شعیب اختر نے بھارتی صحافی وکرانت گپتا سے گفتگو کرتے ہوئے کہا کہ ’اگر بھارت نے بمرا کو مسلسل میچ کھلائے تو وہ ایک سال کے اندر ٹوٹ کر فارغ ہوجائے گا۔ انہوں نے کہا کہ کمر کی انجری کے شکار بمرا کو اب سنبھل کر کھیلنا ہوگا انہیں پانچ میں سے تین میچ کھلائیں اور دو میں آرام کروادیں۔

(جاری ہے)

شعیب اختر کا کہنا تھا کہ جب کمر کی تکلیف ایک بار ہو تو پھر وہ پیچھا نہیں چھوڑتی ہے۔ انہوں نے کہا کہ ویسٹ انڈیز کے این بشپ، کیوی فاسٹ بولر شین بونڈ بھی کمر کی تکلیف کا شکار رہے، بمراہ کو اب یہ سوچنا ہے کہ میں میچ کھیلوں ، آرام کروں اور ری ہیب میں جاؤں۔ واضح رہے کہ وکرانت گپتا نے ہی یہ خبر دی تھی کہ جسپریت بمرا ٹی 20 ورلڈ کپ 2022ء سے باہر ہوگئے ہیں اور ان کی جگہ محمد سراج یا محمد شامی کو شامل کیے جانے کا امکان ہے۔