نیٹ پر 150 چھکوں کے بعد میچ میں نہ لگیں تو قدرت کا نظام ہے :فہد مصطفیٰ

لاہور (اردو پوائنٹ تازہ ترین اخبار ۔ 3 اکتوبر 2022ء ) اداکار ومیزبان فہد مصطفیٰ نے انگلینڈ سے سیریز کے فائنل میچ میں گرین شرٹس کی شکست پر ٹیم پر ہلکی پھلکی تنقید کی۔ ٹوئٹر پر جاری بیان میں فہد مصطفیٰ نے لکھا کہ ’ شائقین تحمل رکھیں، نیٹ پر 150 چھکے لگانے کے بعد میچ پر نہیں لگتے تو یہ قدرت کا نظام ہے۔ فہد مصطفیٰ نے اپنی ٹوئٹ میں مزاحیہ ایموجی بھی شیئر کی۔

(جاری ہے)

یاد رہے کہ قومی کرکٹ ٹیم کے جارح مزاج بلے باز آصف علی نے انکشاف کیا تھا کہ وہ روزانہ 100 سے 150 چھکے مارنے کی پریکٹس کرتے ہیں ۔ واضح رہے کہ 7 میچز پر مشتمل ٹی ٹونٹی سیریز کے آخری اور فیصلہ کن میچ میں انگلینڈ نے پاکستان کو باآسانی 67 رنز سے شکست دے کر سیریز 3-4 سے اپنے نام کرلی تھی۔ انگلینڈ کے 210 رنز کے پہاڑ جیسے ہدف کے تعاقب میں پاکستانی بیٹرز مقررہ اوورز میں 8 وکٹوں کے نقصان پر صرف 142رنز بنا سکے، شان مسعود 56 رنز بنا کر نمایاں رہے۔