’بابر اعظم کا کوئی جوڑ نہیں‘، ایرون فنچ نے قومی کپتان کو موجودہ دور کا بڑا کھلاڑی قرار دیدیا

لاہور (اردو پوائنٹ تازہ ترین اخبار ۔ 15 نومبر 2022ء ) آسٹریلیا کی ٹی ٹونٹی ٹیم کے کپتان ایرون فنچ نے بابراعظم کو موجودہ دورکا بڑا کھلاڑی قرار دے دیا۔ آسٹریلوی ٹیسٹ کرکٹر ایرون فنچ نے کہا کہ تینوں فارمیٹس میں بابراعظم کا کوئی جوڑ نہیں، کبھی کبھی آپ کچھ بھی کرلیں بابر اعظم کو آؤٹ کرنا مشکل ہوجاتا ہے کیونکہ بابر کے پاس آپ کے تمام حربوں کا توڑ ہوتا ہے۔

(جاری ہے)

آسٹریلوی ٹیسٹ کرکٹر لبوشین نے کا کہنا تھا کہ بابراعظم کرکٹ کے تمام فارمیٹس کا بڑا کھلاڑی ہے جب کہ میکسویل نے کہا کہ بابراعظم تسلسل کے ساتھ پرفارم کرتے آئے ہیں۔ آسٹریلین آف سپنر نیتھن لیون کا کہنا تھا کہ بابر اعظم تینوں فارمیٹس میں پاکستان کا بہترین کھلاڑی ہے اور لاجواب کھلاڑی ہے ۔