کیوی سپنر اش سوڈھی کو دادا ،دادی کے شہر لاہور سے خاص لگاؤ

لاہور (اردو پوائنٹ تازہ ترین اخبار ۔ 14 اپریل 2023ء ) نیوزی لینڈ کے لیگ سپنر ایش سودھی لاہور آمد پر بہت پرجوش ہیں اور انہوں نے اس شہر کے ساتھ اپنے خاص لگاؤ کا بھی اظہار کیا ہے۔ نیوزی لینڈ کرکٹ ٹیم کی طرف سے جاری کردہ ویڈیو میں ایش سودھی کہتے ہیں کہ اپنے دادا دادی کے شہر آکر بہت اچھا لگا جو تقسیم سے پہلے لاہور میں رہتے تھے۔

(جاری ہے)

کیوی ٹیسٹ کرکٹر کا کہنا تھا کہ اس شہر میں پہلی بار میچ کھیلنے کو بے تاب ہوں، ان کے والد بھی اکثر کزنز کو ملنے آتے رہتے ہیں، میرے پاس ابھی رشتہ داروں سے ملنے کے لیے وقت نہیں، لیکن یہاں لوگوں کے ساتھ پنجابی میں بات کرنے کا مزہ آیا ہے۔

30 سالہ ایش سودھی کے مطابق ان کی پیدائش لدھیانہ کی ہے جو لاہور سے دو سو کلومیٹر سے بھی کم فاصلے پر ہے۔