شبمن گل کی پاکستان کیخلاف میچ میں شرکت مشکوک

احمد آباد (اردو پوائنٹ تازہ ترین اخبار ۔ 10 اکتوبر 2023ء ) بھارت کی کرکٹ ٹیم کے اہم بیٹر شبمن گل کی ورلڈ کپ میں پاکستان کے خلاف میچ میں بھی شرکت مشکوک ہے۔ بھارتی میڈیا کے مطابق ڈینگی بخار میں مبتلا شبمن گل کو ہسپتال داخل کردیا گیا ہے، ان کے پلیٹ لیٹس کم ہونے کے بعد انہیں احتیاطی طور پر چنئی کے ہسپتال میں داخل کیا گیا ہے۔

(جاری ہے)

بھارتی میڈیا کے مطابق شبمن گل کو پیر کے روز ہسپتال میں داخل کیا گیا تھا، بھارتی کرکٹ بورڈ کا میڈیکل پینل مسلسل شبمن گل کی نگرانی کر رہا ہے، بھارتی میڈیا کے مطابق شبمن گل پاکستان کے خلاف میچ سے بھی باہر ہو سکتے ہیں، اگر وہ ٹھیک ہو جاتے ہیں تو وہ چنائی سے ڈائریکٹ احمد آباد جائیں گے۔

واضح رہے کہ شبمن گل نے ڈینگی بخار کی وجہ سے آسٹریلیا کے خلاف میچ نہیں کھیلا تھا اور وہ افغانستان کے خلاف میچ سے بھی باہر ہوچکے ہیں۔ یاد رہے کہ پاکستان اور بھارت کے درمیان میچ 14 اکتوبر بروز ہفتہ احمد آباد میں شیڈول ہے۔