ساتویں ساؤتھ ایشین کراٹے چیمپئن شپ ، پاکستان کی آرزو نے سونے کا تمغہ جیت لیا

کھٹمنڈو (اردو پوائنٹ تازہ ترین اخبار ۔ 3 دسمبر 2023ء ) 7ویں ساؤتھ ایشین کراٹے چیمپئن شپ میں پاکستان کی آرزو نے گولڈ میڈل جیت لیا۔ نیپال کے دارالحکومت کھٹمنڈو میں جاری ساتویں ساؤتھ ایشین کراٹے چیمپئن شپ میں پاکستان کی آرزو نے 66 کلو گرام کی کلاس میں گولڈ میڈل جیتا۔ انہوں نے پہلی فائٹ میں بھارت اور فائنل میں نیپال کی کھلاڑی کو شکست دی۔

(جاری ہے)

علاوہ ازیں پاکستان کی لائبہ ضیاء نے 50 کے جی مائنس کلاس میں گولڈ میڈل جیتا۔

لائبہ ضیاء نے پہلی فائٹ میں سری لنکا، دوسری فائٹ میں نیپال اور فائنل میں بھارت کی کھلاڑی کو شکست دی ۔

علاوہ ازیں اناہیتا فاطمہ اور ہادی خان نے بھی کراٹے چیمپئن شپ میں کانسی کے تمغے اپنے نام کیے۔