بھارتی کرکٹ ٹیم کے سینئر کرکٹرز پر شرابی ہونے کا الزام لگ گیا

ممبئی (اردو پوائنٹ تازہ ترین اخبار ۔ 10 جنوری 2024ء ) سابق بھارتی ٹیسٹ کرکٹر پراوین کمار نے کئی سینئر کھلاڑیوں پر شرابی ہونے کا سنگین الزام عائد کر دیا ہے ۔ 37 سالہ سابق بھارتی ٹیسٹ کرکٹر پراوین کمار نے ایک انٹرویو میں کہا کہ پیتے سب ہی ہیں مگر مجھے بدنام کیا گیا کہ پراوین کمار شراب پیتا ہے، جب ان سے پوچھا گیا کہ کیا سچن ٹنڈولکر، سارو گنگولی یا راہول ڈریوڈ شراب پیتے تھے تو پراوین کمار نے کہا کہ میں کسی کا نام نہیں لینا چاہتا، سب جانتے ہیں کہ کون شراب پیتا ہے۔

(جاری ہے)

انہوں نے بتایا کہ جب وہ ٹیم میں گئے تو سب نے کہا کہ شراب نہیں پینا، یہ نہیں کرنا وہ نہیں کرنا، مگر میں نے دیکھا کہ جس کام سے مجھے منع کیا گیا وہ دوسرے کررہے تھے، مجھے ہی بدنام کردیا گیا، اسی وجہ سے مجھے کوچنگ جاب نہیں ملی، رنجی ٹرافی کی ٹیم کے ساتھ کام کرنے کا موقع نہیں دیا گیا۔