لاہور ، سابق ٹیسٹ کرکٹر عبدالرحمان کو ڈاکوؤں نے لوٹ لیا

لاہور (اردو پوائنٹ تازہ ترین اخبار ۔ 19 جنوری 2024ء ) لاہور میں سابق ٹیسٹ کرکٹر عبدالرحمان کو ڈاکوؤں نے گن پوائنٹ پر لوٹ لیا۔ میڈیا رپورٹس کے مطابق سابق ٹیسٹ کرکٹر عبدالرحمان فیملی کے ہمراہ گھر کے باہر موجود تھے جب ڈاکو ان سے موبائل فونز، نقدی اور جیولری چھین کر فرار ہوگئے۔ عبدالرحمان کے ساتھ اہلیہ اور 8 ماہ بیٹی بھی موجود تھی۔

(جاری ہے)

سابق ٹیسٹ کرکٹر نے بتایا ہے کہ واقعہ گزشتہ روز شام کے وقت ان کے گھر جوہر ٹاؤن کے باہر پیش آیا، ڈاکو موٹر سائیکل پر سوار تھے، گن میری بیٹی پر تان لی تھی، پرس اور جیولری لوٹ کر ڈاکو فرار ہو گئے۔

عبد الرحمٰن کا کہنا ہے کہ واقعے کی رپورٹ درج کروا دی ہے۔ واضح رہے کہ 43 سالہ عبدالرحمٰن نے 2006ء سے 2014ء کے درمیان 22 ٹیسٹ، 31 ون ڈے اور 8 ٹی ٹونٹی میچز میں پاکستان کی نمائندگی کی ہے جب کہ انہوں نے ٹیسٹ میں 99، ون ڈے میں 30 اور ٹی ٹونٹی میں 11 وکٹیں حاصل کیں ہیں۔