ویرات کوہلی انگلینڈ کیخلاف کیوں نہیں کھیل رہے؟ بی سی سی آئی بھی وجہ سے لاعلم

لاہور (اردو پوائنٹ تازہ ترین اخبار ۔ 3 فروری 2024ء ) انگلینڈ کے خلاف ٹیسٹ سیریز میں بھارتی کھلاڑی ویرات کوہلی کی عدم دستیابی ایک معمہ بن گئی ہے کیونکہ اس کی وجہ بھارتی کرکٹ بورڈ کو بھی معلوم نہیں ۔ تفصیلات کے مطابق ویرات کوہلی ان دنوں انڈیا میں موجود نہیں ہیں جس کی وجہ سے ویرات کوہلی جلد ٹیم کو دستیاب نہیں ہوں گے اور ان کا انگلینڈ کے خلاف آخری تین ٹیسٹ کھیلنے کا بھی امکان نہیں ہے ، بھارتی کرکٹ بورڈ نے ویرات کوہلی کے حوالے سے افواہیں نہ پھیلانے کی درخواست کی ہے۔

(جاری ہے)

بھارتی کرکٹ بورڈ کے آفیشل کا کہنا تھا کہ ویرات کوہلی کی واپسی کا کچھ علم نہیں ہے ۔ یہاں یہ امر قابل ذکر ہے کہ ویرات کوہلی کے بھائی وکاس نے والدہ کی علالت کی بھی تردید کی ہے ، ویرات کوہلی نے انگلینڈ کے خلاف ابتدائی دو ٹیسٹ میچز سے دستبرداری کا اعلان کیا تھا ،انڈیا اور انگلینڈ کے درمیان دوسرا ٹیسٹ اس وقت جاری ہے۔