سابق سری لنکن کرکٹر دلشان آسٹریلوی شہری بن گئے

کولمبو /سڈنی(اُردو پوائنٹ اخبارتازہ ترین - این این آئی۔ 27 فروری2024ء) سابق سری لنکن کرکٹر تلک رتنے دلشان آسٹریلوی شہری بن گئے۔آسٹریلوی رکن پارلیمنٹ جیسن ووڈ نے سوشل میڈیا پر تلک رتنے دلشان کی آسٹریلوی شہریت کا اعلان کیا۔

(جاری ہے)

جیسن ووڈ نے بتایا کہ سٹیزن شپ کی تقریب خاص اس لیے تھی کہ اس میں سابق سری لنکن کپتان تلک رتنے دلشان بھی موجود تھے، تلک رتنے دلشان سری لنکا ون ڈے تاریخ کے ایک بہترین بیٹر مانے جاتے ہیں۔

انہوں نے کہا کہ تلک رتنے دلشان نے ورلڈ کپ 2011 میں 5 سو سے زائد رنز بنانے کا ریکارڈ قائم کیا، وہ اب آسٹریلوی شہری کی حیثیت سے مقامی ٹیم جوائن کریں گے اور اپنا ٹیلنٹ کمیونٹی سے شئیر کریں گے۔جیسن ووڈ کے مطابق خوشی ہے کہ تلک رتنے دلشان کی بیٹی ریسنڈی اپنے والد کے نقش قدم پر چل رہی ہیں۔