ورلڈ کپ وننگ برطانوی کپتان جوز بٹلر نے نام تبدیل کر لیا

لندن (اردو پوائنٹ تازہ ترین اخبار ۔ یکم اپریل 2024ء ) انگلینڈ کے ورلڈ کپ ونگ کپتان جوز بٹلر نے نام تبدیل کر لیا۔ جوز بٹلر کو عمومی طور پر جوش بلایا جاتا رہا ہے اور اس لیے اب انہوں نے نے باقاعدہ طور پر اپنا نام جوش رکھ لیا ہے۔ جوز بٹلر کے نام تبدیل کرنے کی منفرد ویڈیو انگلینڈ کرکٹ بورڈ نے جاری کر دی۔ انگلینڈ کی وائٹ بال ٹیم کے کپتان جوش بٹلر نے کہا ہے کہ مجھے ساری زندگی غلط نام سے پکارا جاتا رہا ہے، میری والدہ بھی غلط نام سے پکارنے والوں میں شامل ہیں۔

(جاری ہے)

جوش بٹلر کا کہنا ہے کہ مجھے ہر موقع پر غلط نام سے پکارا جاتا رہا ہے، ملک کی 13 سال نمائندگی کرنے اور 2 ورلڈ کپ جیتنے کے بعد میں نے مسئلے کا حل نکال لیا ہے، مسئلے کے حل کے لیے اب میں باقاعدہ طور پر جوش بٹلر ہوں۔ بٹلر نام کی تبدیلی کے بعد اب سے چند گھنٹوں میں اپنا پہلا آفیشل میچ کھیلے گا کیونکہ راجستھان رائلز کا ممبئی انڈینز سے مقابلہ ہوگا۔ بٹلر دو بار کے ورلڈ کپ چیمپئن اور آئی پی ایل 2022 میں اورنج کیپ کے فاتح ہیں جنہوں نے 57.53 کی اوسط سے چار نصف سنچریوں اور چار سنچریوں کے ساتھ 863 رنز بنائے۔