ٹی20 ورلڈکپ،قومی ٹیم کے 15 رکنی اسکواڈ کا اعلان (کل) ہوگا

لاہور (اُردو پوائنٹ اخبارتازہ ترین - این این آئی۔ 22 مئی2024ء) آئی سی سی ٹی20 ورلڈکپ کیلئے قومی ٹیم کے 15 رکنی اسکواڈ کا اعلان (کل) جمعرات کو کئے جانے کا امکان ہے۔نجی ٹی وی کے مطابق پاکستان کرکٹ بورڈ (پی سی بی) نے فاسٹ بولر حسن علی کو پہلے ہی ورلڈکپ اسکواڈ سے ریلیز کردیا ہے جبکہ اسکواڈ میں سلمان علی آغا اور محمد عرفان خان نیازی کو ڈراپ کیے جانے کا امکان ہے۔

(جاری ہے)

مجوزہ اسکواڈ میںبابراعظم (کپتان)، ابرار احمد، اعظم خان، فخر زمان، حارث رئوف، افتخار احمد، عماد وسیم، محمد عباس آفریدی، محمد عامر، محمد رضوان، نسیم شاہ، صائم ایوب، شاداب خان، شاہین شاہ آفریدی اور عثمان خان اسکواڈ کا حصہ ہوں گے۔ٹی20ورلڈکپ کیلئے قومی اسکواڈ کے اعلان کی ڈیڈ لائن 24 مئی ہے، پاکستان ٹیم اس وقت انگلینڈ کے خلاف سیریز کھیلنے میں مصروف ہے بعدازاں یکم جون کو میگا ایونٹ میں شرکت کیلئے امریکا روانہ ہوگی۔واضح رہے کہ پاکستان ورلڈکپ کے گروپ اے میں روایتی حریف بھارت، آئرلینڈ، کینیڈا اور امریکا کے ساتھ موجود ہے۔