زیادہ ٹی ٹونٹی رنز، بابر اعظم نے روہت شرما کو پیچھے چھوڑ دیا

لاہور (اردو پوائنٹ تازہ ترین اخبار ۔ 25 مئی 2024ء ) پاکستان کے وائٹ بال کے کپتان بابر اعظم نے برمنگھم میں انگلینڈ کے خلاف دوسرے ٹی ٹوئنٹی میں سب سے زیادہ ٹی ٹونٹی رنز بنانے والے بھارتی کپتان روہت شرما کو پیچھے چھوڑ دیا۔ 29 سالہ کھلاڑی اب بھارت کے ویرات کوہلی کے بعد 4000 رنز بنانے والے صرف 2 کھلاڑیوں کی فہرست میں شامل ہونے سے صرف 13 رنز کی دوری پر ہیں۔

(جاری ہے)

ویرات کوہلی 4037 رنز سکور کرکے اس فہرست میں پہلے نمبر پر ہیں۔ بابر اعظم 3987 رنز کے ساتھ دوسرے، روہت شرما 3974 رنز سکور کرکے تیسرے جب کہ پال سٹرلنگ 3589 رنز بنا کر چوتھے نمبر پر ہیں ۔ بابر کو معین علی نے آؤٹ کیا ۔ انہوں نے 26 گیندوں پر 32 رنز بنائے۔