پاک بھارت کشیدگی، ایشیاء کپ کا مستقبل غیر یقینی صورتحال کا شکار

بھارت کی جانب سے بنگلادیش کیخلاف بھی ون ڈے اور ٹی ٹونٹی سیریز ملتوی کیے جانے امکان

ذیشان مہتاب جمعہ 2 مئی 2025 17:10

پاک بھارت کشیدگی، ایشیاء کپ کا مستقبل غیر یقینی صورتحال کا شکار

لاہور (اردو پوائنٹ تازہ ترین اخبار ۔ 2 مئی 2025ء ) پہلگام واقعے کے بعد بھارتی کرکٹ ٹیم کے دورہ بنگلا دیش اور ایشیاء کپ 2025ء کا مستقبل غیر یقینی صورتحال کا شکار ہوگیا۔

بھارتی میڈیا رپورٹس کے مطابق پہلگام واقعے کے بعد پاک بھارت ممالک کے درمیان بڑھتی کشیدگی کو مدنظر رکھتے ہوئے بنگلہ دیش کیساتھ 3 ون ڈے میچز اور 3 ٹی20 میچز پر مشتمل سیریز کو ملتوی کیا جاسکتا ہے۔

(جاری ہے)

رپورٹس میں دعویٰ کیا گیا ہے کہ سابق وزیراعظم شیخ حسینہ واجد کی حکومت کے خاتمے کے بعد بنگلا دیش کی جانب سے پاکستان کی طرف جھکاؤ نے معاملات کو الجھا دیا ہے۔

پہلگام واقعے کے بعد بھارتی حکومت کا پڑوسی ممالک کے ساتھ کرکٹ تعلقات پر نظرثانی کا فیصلہ کیا ہے جب کہ ایشیاء کپ 2025ء کا مستقبل بھی غیر یقینی صورتحال کا شکار ہے۔

بنگلا دیش کیخلاف متبادل سیریز کیلئے بھارت نے جنوبی افریقا یا آسٹریلیا کے ساتھ اضافی میچز کھیلنے کا اعلان کرسکتا ہے۔

وقت اشاعت : 02/05/2025 - 17:10:23