آئی پی ایل دوبارہ شروع ہوئی تب بھی آسٹریلوی کرکٹرز نہیں آئیںگے ، آسٹریلوی اخبار کا دعویٰ

آسٹریلوی کرکٹرز کی سکیورٹی کے باعث ان کی شرکت غیر یقینی ہے : سڈنی مارننگ ہیرالڈ

ذیشان مہتاب منگل 13 مئی 2025 10:42

آئی پی ایل دوبارہ شروع ہوئی تب بھی آسٹریلوی کرکٹرز نہیں آئیںگے ، آسٹریلوی اخبار کا دعویٰ

سڈنی (اردو پوائنٹ تازہ ترین اخبار ۔ 13 مئی 2025ء ) آسٹریلوی کرکٹرز کی سکیورٹی خدشات کے باعث انڈین پریمئیر لیگ (آئی پی ایل) میں دوبارہ شمولیت غیریقینی ہوگئی۔

آسٹریلوی اخبار سڈنی مارننگ ہیرالڈ کی رپورٹ کے مطابق پاکستان کیساتھ جنگی تنازع کے بعد آئی پی ایل 2025ء کو ملتوی کردیا گیا تھا تاہم ایک روز بعد معاملات معمول آنے کے سبب لیگ کے مستقبل کے حوالے سے باز گشت تیز ہوگئی ہے۔

تاہم لیگ دوبارہ شروع ہونے پر آسٹریلوی کرکٹرز کی سکیورٹی کے باعث ان کی شرکت غیر یقینی ہے۔

دوسری جانب آئی پی ایل فرنچائزز سن رائزرز حیدرآباد، راجستھان رائلز اور چنائی سپر کنگز پہلے ہی فائنل کی دوڑ سے باہر ہوچکی ہیں لیکن ٹیموں کے ایک یا اس سے زائد کچھ میچز باقی ہیں۔

(جاری ہے)

آسٹریلوی کپتان پیٹ کمنز، ٹریوس ہیڈ اور نیتھن ایلس وہ کھلاڑی ہیں، جو باہر ہونیوالی ٹیموں کا حصہ تھے۔

واضح رہے کہ انڈین پریمئیر لیگ (آئی پی ایل) کا مستقبل تاحال غیر یقینی ہے تاہم بھارتی بورڈ نے جنگ بندی کے بعد فرنچائزز کو ہدایت کی ہے کہ وہ اپنے غیر ملکی کھلاڑیوں کو روک لیں۔

وقت اشاعت : 13/05/2025 - 10:42:30

آئی پی ایل دوبارہ شروع ہوئی تب بھی آسٹریلوی کرکٹرز نہیں آئیںگے ، آسٹریلوی اخبار کا دعویٰ

آسٹریلوی کرکٹرز کی سکیورٹی کے باعث ان کی شرکت غیر یقینی ہے : سڈنی مارننگ ہیرالڈ

متعلقہ عنوان :

Browse Cricket

Browse Sports

Sports News In Urdu

Famous Sports Players