بھارتی اور انگلش بورڈز کا اپنی اپنی ٹی ٹونٹی لیگز بچانے کیلئے سعودی عرب کو بڑا ’دھوکا‘

انٹرنیشنل کھلاڑیوں کو سعودی لیگ میں کھیلنے سے روکنے اور اپنے کھلاڑیوں کو این او سی نہ دینے کا فیصلہ

ذیشان مہتاب جمعرات 26 جون 2025 11:27

بھارتی اور انگلش بورڈز کا اپنی اپنی ٹی ٹونٹی لیگز بچانے کیلئے سعودی عرب کو بڑا ’دھوکا‘

لاہور (اردو پوائنٹ تازہ ترین اخبار ۔ 26 جون 2025ء ) بھارتی کرکٹ بورڈ (بی سی سی آئی) اور انگلینڈ اینڈ ویلز کرکٹ بورڈ (ای سی بی) نے سعودی عرب کی ٹی ٹونٹی لیگ کو شروع ہونے سے قبل ہی بڑا دھوکا دیدیا۔

برطانوی اخبار دی گارڈین نے اپنی رپورٹ میں انکشاف کیا ہے کہ سعودی عرب کا اپنی ٹی20 لیگ کیلئے 400 ملین امریکی ڈالر (تقریباً 1 ارب 13 کروڑ 47 لاکھ سے زائد پاکستانی روپوں) میں کروانے کا منصوبہ بنایا تھا، تاہم اب اسے بڑا دھچکا لگا ہے کیونکہ بھارتی کرکٹ بورڈ (بی سی سی آئی) اور انگلینڈ اینڈ ویلز کرکٹ بورڈ (ای سی بی) نے اپنی لیگز بچانے کیلئے اس کی حمایت سے پیچھے ہٹ گئی ہیں۔

رپورٹس میں کہا گیا ہے کہ دونوں بورڈز نئی لیگ کی مخالفت کرنے پر متحد ہوگئے ہیں اور اتفاق کیا ہے کہ وہ اپنے کھلاڑیوں کو "نو آبجیکشن سرٹیفکیٹ" جاری نہیں کریں گے اور انٹرنیشنل کرکٹ کونسل (آئی سی سی) میں لابنگ کے ذریعے لیگ میں دیگر کھلاڑیوں جانے سے روکنے کی منصوبہ بندی کی جائے گی۔

(جاری ہے)

ادھر کرکٹ آسٹریلیا لیگ میں سعودی سرمایہ کاروں کے ساتھ شراکت داری کا خواہاں تھا۔

رپورٹ میں بتایا گیا کہ مجوزہ کرکٹ لیگ میں 8 ٹیمیں ہوں گی اور اس کو ٹینس کے ماڈل اور گرینڈ سلیمز کے طرز پر رکھنے کی تجویزہے اور حصہ لینے والی ٹیمیں سال بھر 4 مختلف مقامات پر میچز کھیلیں گے اور اسی طرح ٹیموں کا بھی انتخاب کیا جائے گا۔

کرکٹ آسٹریلیا کا بنیادی مقصد نجی سرمایہ کار کے ذریعے کیش فلو سے منافع کمانا ہے کیونکہ بگ بیش لیگ (بی بی ایل) میں شریک فرنچائزز گورننگ باڈی اور ریاستوں کی ملکیت ہیں۔

دوسری جانب انڈین پریمئیر لیگ (آئی پی ایل) 12 بلین امریکی ڈالر جبکہ انگلش بورڈ کی لیگ دی ہنڈریڈ اپنی ٹیموں کے 49 فیصد حصص فروخت کرکے اپنے خزانے بھرنے کا تیار ہیں۔

قبل ازیں 3 سال قبل کرکٹ جنوبی افریقا نے اپنی ایس اے ٹی20 لیگ کی فرنچائزز کو بھارتی مالکان کے بیچ کر 136 ملین ڈالر سے زائد کی رقم اکٹھا کی تھی۔

رپورٹ میں مزید کہا گیا ہے کہ انٹرنیشنل کرکٹ کونسل (آئی سی سی) کے سربراہ اسوقت جے شاہ ہیں، جو بھارتی بورڈ کے سابق سیکریڑی ہیں، انکا بھی بورڈ کی خواہشات کے خلاف جانے کوئی امکان نہیں ہے۔

وقت اشاعت : 26/06/2025 - 11:27:28