ملک میں کھیلوں کے نظام کو بہتر بنانے کیلئے بنیادی ڈھانچے کو فعال بنانے کی ضرورت ہے،صبا شمیم جدون

اسلام آباد (اُردو پوائنٹ اخبارتازہ ترین - این این آئی۔ 27 جون2025ء)رکن پاکستان اولمپک ایسوسی ایشن ویمن کمیشن اور پاکستان تائیکوانڈو فیڈریشن (ویمنز ونگ) کی صدر صباء شمیم جدون نے کہا ہے کہ ملک میں کھیلوں کے نظام کو بہتر بنانے کیلئے بنیادی ڈھانچے کو فعال بنانے کی ضرورت ہے۔ ان خیالات کا انہوں نے گزشتہ روز میڈیا سے گفتگو کرتے ہوئے کیا۔ انہوں نے کہا کہ ملک کے تعلیمی اداروں میں کھیلوں کے نظام کو بہتر بنانے اور باقاعدگی سے مقابلوں کے انعقاد کو یقینی بنانے کے لئے بھی اقدامات کی بہت ضرورت ہے۔

(جاری ہے)

انہوں نے کہا کہ ملک میں تعلیمی ادارے کھیلوں کی بنیادی نرسری کا کرادار ادا کر سکتے ہیں۔ انہوں نے کہا کہ پاکستانی مرد اورخواتین کھلاڑیوں نے دنیا میں کھیلوں کے میدانوں میں کئی دہائیوں تک ملک و قوم کا نام روشن کر رکھا ہے۔ ان کرکٹ، سکواش، ہاکی، سنوکر جیسے کھیلوں کے مقابلے شامل تھے۔ انہوں نیکہا کہ حکومت اور سپورٹس فیڈریشنز کو مل کر ممنوعہ ادویات کے حوالے سے سیمینارز منعقد کروانے چاہئے تاکہ کھلاڑی کو ممنوعہ ادویات کے نقصانات کے حوالے سے معلومات حاصل ہو سکے۔ میڈم صبا شمیم جدون نے کہا کہ ملک میں پاکستان اولمپک ایسوسی ایشن کھیلوں کی ترقی کے لئے اقدامات قابل تعریف ہیں۔