ٹِم ڈیوڈ کی 37 گیندوں پر سنچری، آسٹریلیا نے ویسٹ انڈیزکیخلاف ٹی ٹونٹی سیریز جیت لی

ٹِم ڈیوڈ نے آسٹریلیا کی جانب سے ٹی ٹونٹی فارمیٹ میں تیز ترین نصف سنچری اور تیز ترین سنچری کا ریکارڈ بنایا

ذیشان مہتاب ہفتہ 26 جولائی 2025 11:32

ٹِم ڈیوڈ کی 37 گیندوں پر سنچری، آسٹریلیا نے ویسٹ انڈیزکیخلاف ٹی ٹونٹی سیریز جیت لی

لاہور (اردو پوائنٹ تازہ ترین اخبار ۔ 26 جولائی 2025ء ) تیسرے میچ میں آسٹریلوی بیٹر ٹِم ڈیوڈ کی دھواں دھار بیٹنگ کے باعث آسٹریلیا نے ویسٹ انڈیز کو 6 وکٹ سے شکست دے کر پانچ میچوں کی سیریز میں 0-3 کی فیصلہ کن برتری حاصل کر لی ہے۔

دورۂ ویسٹ انڈیز کے دوران گزشتہ روز کھیلے گئے تیسرے ٹی ٹونٹی میچ میں ٹِم ڈیوڈ نے آسٹریلیا کی جانب سے ٹی ٹونٹی فارمیٹ میں تیز ترین نصف سنچری اور تیز ترین سنچری کا ریکارڈ بنایا۔

آسٹریلیا نے تیسرے ٹی ٹونٹی میچ میں 214 رنز کا ہدف 23 گیندیں پہلے حاصل کیا۔ ویسٹ انڈیز نے 4 وکٹوں کے نقصان پر 214 رنز بنائے تھے۔

شائے ہوپ نے 57 گیندوں پر 102 رنز بنائے۔

ہدف کے تعاقب کے دوران میچ میں ٹِم ڈیوڈ نے 16 گیندوں پر نصف سنچری بنائی، اس سے قبل مارکس سٹوئنس کا 17 گیندوں کا ریکارڈ تھا۔

(جاری ہے)

بعد ازاں ٹِم ڈیوڈ نے 37 گیندوں پر سنچری مکمل کی، اس سے قبل جوش انگلس کا 43 گیندوں کا ریکارڈ تھا۔

آسٹریلیا نے یہ ہدف 16.1 اوورز میں 4 وکٹوں کے نقصان پر پورا کیا، ٹِم ڈیوڈ 37 گیندوں پر 102 رنز بنا کر ناٹ آؤٹ رہے۔

کیریئر کی پہلی ٹی ٹونٹی سنچری بنانے والے ٹِم ڈیوڈ مین آف دی میچ بھی قرار پائے۔

واضح رہے کہ آسٹریلیا نے 5 ٹی ٹونٹی میچز کی سیریز میں تین صفر کی فیصلہ کُن برتری حاصل کرلی ہے۔

وقت اشاعت : 26/07/2025 - 11:32:25

ٹِم ڈیوڈ کی 37 گیندوں پر سنچری، آسٹریلیا نے ویسٹ انڈیزکیخلاف ٹی ٹونٹی سیریز جیت لی

ٹِم ڈیوڈ نے آسٹریلیا کی جانب سے ٹی ٹونٹی فارمیٹ میں تیز ترین نصف سنچری اور تیز ترین سنچری کا ریکارڈ بنایا

متعلقہ عنوان :

Browse Cricket

Browse Sports

Sports News In Urdu

Famous Sports Players