[کرکٹ ٹیلنٹ ہنٹ‘سرگودھا، فیصل آباد میں ٹرائلز

ّاسلام آباد (اُردو پوائنٹ اخبارتازہ ترین - آن لائن۔ 07 اگست2025ء) پرائم منسٹر یوتھ پروگرام کرکٹ ٹیلنٹ ہنٹ پروگرام میں سرگودھا اور فیصل آباد میں 35 ہزار سے زائد نوجوانوں نے شرکت کی۔ ہائیر ایجوکیشن کمیشن اور لاہور قلندرز کے زیر اہتمام منعقدہ ٹرائلز میں ملک بھر کے ہزاروں نوجوانوں کرکٹرز اپنی صلاحیتوں کے جوہر دکھا رہے ہیں۔

(جاری ہے)

سرگودھا اور فیصل آباد میں ہونیوالے ٹرائلز میں 35 ہزار سے زائد نوجوان لڑکے اور لڑکیاں ان ٹرائلز میں شریک ہوئے۔

لاہور قلندرز کے سی ای او عاطف رانا نے دونوں شہروں میں زبردست شرکت پر خوشی کا اظہار کرتے ہوئے کہاکہ سرگودھا اور فیصل آباد میں جو توانائی، ٹیلنٹ اور بڑی تعداد دیکھی گئی، وہ واقعی غیرمعمولی ہے۔ ان شہروں میں ہمیشہ کرکٹ کا جذبہ رہا ہے، ہم وزیراعظم شہباز شریف، چیئرمین پرائم منسٹر یوتھ پروگرام رانا مشہود احمد کی سپورٹ پر انکے مشکور ہیں۔