کیریبین پریمیئر لیگ ،اینٹیگوا اینڈ باربوڈا فالکنز اورٹرنباگو نائٹ رائیڈرز کی ٹیمیں جمعرات کو پنجہ آزمائی کریں گی

جمیکا (اُردو پوائنٹ اخبارتازہ ترین - اے پی پی۔ 20 اگست2025ء) کیریبین پریمیئر لیگ میں 21 اگست کو مزیدایک میچ کھیلا جائے گا،جس میں اینٹیگوا اینڈ باربوڈا فالکنز اورٹرنباگو نائٹ رائیڈرز کی ٹیمیں سر ویوین رچرڈز سٹیڈیم، نارتھ ساؤنڈ، انٹیگا کے مقام پر آمنے سامنے ہوں گی۔ سی پی ایل کاتیرہواں ایڈیشن ویسٹ انڈیز میں جاری ہے جس میں شائقین کو دلچسپ اور کانٹے دار مقابلے دیکھنے کو مل رہے ہیں ۔

لیگ میں دنیائے کرکٹ کے مختلف ممالک کے نامور کھلاڑی ایکشن میں ہیں ۔ لیگ میں 21 اگست کوکھیلے جانے والے واحد میچ میں اینٹیگوا اینڈ باربوڈا فالکنز اورٹرنباگو نائٹ رائیڈرز کی ٹیمیں سر ویوین رچرڈز سٹیڈیم، نارتھ ساؤنڈ، انٹیگا کے مقام پر نبرد آزما ہوں گی۔ اینٹیگوا اینڈ باربوڈا فالکنز کی ٹیم کو پاکستان کے مایہ ناز آل رائونڈر عماد وسیم لیڈ کر رہے ہیں جبکہ ٹرنباگو نائٹ رائیڈرز کی ٹیم کو وکٹ کیپر بلے باز نکولس پوران لیڈ کریں گے ۔

(جاری ہے)

لیگ میں 6 ٹیمیں ٹائٹل کے حصول کے لئے پنجہ آزمائی کرہی ہیں جن میں دفاعی چیمپئن سینٹ لوشیا کنگز ،گیانا ایمیزون واریئرز ، اینٹیگوا اینڈ باربوڈا فالکنز ،سینٹ کٹس اینڈ نیوس پیٹریاٹس، بارباڈوس رائلز اورٹرنباگو نائٹ رائیڈرزشامل ہیں ۔ لیگ میں فائنل سمیت 34میچ کھیلے جائیں گے۔ کیریبین پریمیئر لیگ کا آغاز 2013میں ہوا تھا۔ کیریبین پریمیئر لیگ کی تاریخ میں اب تک 12 ایڈیشن کھیلے جاچکے ہیں جن میں ٹرنباگو نائٹ رائیڈرز کی ٹیم سب سے زیادہ چار مرتبہ ٹائٹل جیت چکی ہے، جمیکا تلاوا تین ،بارباڈوس کی ٹیم دو جبکہ گیانا ایمیزون واریئرز ، سینٹ کٹس اینڈ نیوس پیٹریاٹس اور سینٹ لوشیاکنگز کی ٹیم ایک،ایک مرتبہ یہ ٹائٹل اپنے نام کر چکی ہیں ۔\932