پی سی بی سکولزٹیلنٹ ہنٹ پروگرام کا اعلان، چار سو سے زائد سکول حصہ لیں گے

اسلام آباد (اُردو پوائنٹ اخبارتازہ ترین - آن لائن۔ 20 اگست2025ء) پاکستان کرکٹ بورڈ نے سکولز کے لیے ٹیلنٹ ہنٹ پروگرام کا اعلان کردیا۔پروگرام میں ملک بھر سے 39 اضلاع کے 400 سے زائد سکول حصہ لیں گے۔پہلے مرحلے میں ان تمام سکولز میں ٹرائلز کے ذریعے ٹیمیں منتخب ہوں گی۔پی سی بی کے 60 سے زیادہ کوچز تمام منتخب شدہ سکولز میں ٹرائلز لیں گے۔ستمبر کے تیسرے ہفتے میں400 سے زائد سکولز کا 40 اوورز کا ٹورنامنٹ شروع ہوگا۔

(جاری ہے)

ون ڈے ٹورنامنٹ کی بہترین 100 ٹیمیں ویکنڈ سکولز لیگ میں شرکت کریں گی۔ویکنڈ سکولز لیگ دو روزہ میچز پر مشتمل ہوگی۔ ون ڈے ٹورنامنٹ کی چیمپئن سکول ٹیم بیرون ملک دورہ کرے گی۔سکولز ٹورنامنٹ کے ٹاپ پرفارمر پی سی بی انڈر 15 اور انڈر 17 ٹورنامنٹس میں شرکت کریں گے۔ پی سی بی کیڈائریکٹر ڈومیسٹک کرکٹ عبداللہ خرم نیازی کا کہنا ہے کہ سکولز ٹیلنٹ ہنٹ پروگرام کی ساری فنڈنگ پی سی بی کرے گا، سکولز ٹیلنٹ ہنٹ پروگرام سے بچے تعلیم کے ساتھ کرکٹ بھی کھیلیں گے، پی سی بی ملک بھر میں 168 سکول گراؤنڈ آباد کرے گا۔