انگلینڈ وہ غلطیاں نہیں کرے گا جو ویسٹ انڈیز نے کی تھیں : شعیب اختر

انگلینڈ کی کنڈیشنز میں پاکستانی بیٹرز کے لیے سنبھلنا بہت مشکل ہوگا : سابق سپیڈ سٹار

ذیشان مہتاب جمعہ 14 اگست 2026 14:56

انگلینڈ وہ غلطیاں نہیں کرے گا جو ویسٹ انڈیز نے کی تھیں : شعیب اختر

لاہور (اردو پوائنٹ تازہ ترین اخبار ۔ 14 اگست 2026ء ) سابق سپیڈ سٹار شعیب اختر نے انگلینڈ کے خلاف سیریز سے قبل پاکستان کو خبردار کردیا ہے۔

پاکستان اور انگلینڈ کے مابین پہلا ٹیسٹ 19 اگست سے لیڈز میں شیڈول ہے اور 51 سالہ سابق فاسٹ بولر شعیب اختر نے پیش گوئی کی ہے کہ انگلینڈ اپنے سیمرز کے حق میں اور پاکستان کے بیٹرز کو دباؤ میں رکھنے کے لیے پچز تیار کرے گا۔

(جاری ہے)

مقامی پلیٹ فارم سے گفتگو میں شعیب اختر نے کہا کہ انگلینڈ ویسٹ انڈیز میں پاکستان کی جانب سے کی گئی غلطیوں کو ذہن میں رہے گا۔

انہوں نے کہا کہ میزبان ٹیم سیمرز فرینڈلی کنڈیشنز کا بھرپور استعمال کرے گی جو پاکستان کی بیٹنگ لائن اپ کے لیے چیلنج بن سکتی ہے۔

سابق فاسٹ بولر نے کہا کہ انگلینڈ وہ غلطی نہیں کرے گا جو ویسٹ انڈیز نے کی تھی جس سے پاکستان کو جیتنے کی پوزیشن میں آنے کا موقع ملا، سیمرز فرینڈلی کنڈیشنز میں پاکستان کے لیے سنبھلنا بہت مشکل ہوگا۔

واضح رہے کہ پاکستان اور انگلینڈ کے درمیان کھیلی جانے والی تین ٹیسٹ میچوں کی سیریز ورلڈ ٹیسٹ چیمپئن شپ کا حصہ ہے۔

وقت اشاعت : 14/08/2026 - 14:56:04