21 Episode - Bas Aik Nuqta - Para Para By Nusrat Zahra
اکیسواں باب ۔ بس ایک نُقطہ - پارہ پارہ - نصرت زہرا
چراغ کیا جلا دیا ہوا ہی اور ہو گئی
بے چراغ ہاتھوں نے ایک نُقطہ کیا لکھا،ہوا میں تیروں کی برسات شروع ہو گئی یہ تیر کبھی دیدہ اور کبھی نادیدہ رہے مگر صبحِ صادق سے پلٹ کر آنے والے ایک جھونکے کے ساتھ ہوا نے خود ایک دیا روشن کیا! جس کا نام پارہ پارہ ہے یہ میرے دل کی آواز ہے اسے میں نے اپنے خون جگر سے سینجا اور اس کی تکمیل میں ہر لمحہ ایک ٹھنڈی ہوا،ایک بادل،ایک دیا،کئی خوش رنگ تتلیاں اور تمام تر آندھیوں کے باوجود ایک دیا روشن رہا۔ایک برس کی یہ کاوش اب آپ کے ہاتھوں میں ہے۔
پارہ پارہ جیسا کہ نام ہی سے ظاہر ہے کسی کے بکھر جانے کا استعارہ ہے،یہ کتاب دنیائے ادب کی ممتاز تخلیق کار پروین شاکر کو پیش کیا جانے والا ایک ایسا خراجِ عقیدت ہے جس میں اُن کی زندگی کے مختلف پہلوؤں سے لے کر فکر و فن پر بات کی گئی۔
(جاری ہے)
اگرچہ یہ میرا منصب نہیں کہ میں اُن کے فن
پر اظہارِ خیال کروں تاہم مجھے یہ کہنے میں کوئی عار محسوس نہیں ہوتی کہ اس
کتاب کو رقم کرنے میں کسی نے غیبی طور پر مجھے حصار میں رکھا،مسلسل کوئی
مجھے احساس دلاتا رہا کہ اس کا تمام تر اثبات اس ننھے سے ستارے کے ساتھ
ساتھ ہے!
اس کتاب کے نام کا قصہ بھی دلچسپی سے خالی نہیں،کسی کو اعتراض
ہوا کہ کتاب کی مارکیٹ ویلیو صفر ہو جائے گی (بھلا کون جانے پارہ کون تھی)
مگر پارہ پارہ کا اصل استدال ہی یہ ہے کہ تمام تر سچائیاں اس میں سمو دی
گئی ہیں۔
پروین سے میری شناسائی اتنی ہی پرانی ہے جتنی خود اپنی ذات سے میری پہچان کا رشتہ استوارہے۔جب میں نے اُسے پڑھنا شروع کیا تو مجھے اسے سمجھنے کے لیے کسی اور حوالے کی ضرورت نہیں رہی۔میں نے اسے پڑھ کر سمجھنا شروع کیا اور جب وہ مکمل طور پر میرے شعور کا حصہ بن گئی تو پارہ پارہ کا وجود ناگزیر ہو گیا۔پروین نے مجھ سمیت ان گنت لوگوں کی روحانی تہذیب کی انہیں ترتیب دیا اور ترتیب تو وہی دے سکتا ہے جس پر خدا حد سے زیادہ مہربان ہو۔جس کا قلب شیشے کی طرح اُجلا اور شفاف ہو۔پروین ایک بہتا دریا ہے جو وقت گزرنے کے ساتھ ساتھ اجتماعی حافظے اور شعور میں رچ بس گیا ہے،سچائی اپنا راستہ خود بناتی ہے اور یہی اس کے کھرے پن کی دلیل بھی ہے۔مجھے ہر گز ہر گز یہ دعویٰ نہیں کہ یہ کتاب حرفِ آخر ہے یہ تو محض آغاز ہے،پروین سے محبتوں اور پروین شناسی کا،مجھے اس کتاب کو آپ کے سپرد کرنے کے سمے اپنے وجدان کا یہ قرض اتارنا ہے کہ میرے قلب پر یہ اس طرح وارد ہوئی کہ جیسے
شبنم کا اکیلا موتی
عارضِ برگِ حنا چھو جائے ( خوشبو)
ان گنت ہاتھ اُس کے لیے اب بھی دعا گو ہیں اُس سکون کے لیے جو اسے کبھی نہیں ملتا تھا! پروین اگر زندہ رہتی تو نجانے آج اس کا فن کتنا بے پناہ نکھر گیا ہوتا اور اس کے مداح نجانے کتنی بے پناہ جہتوں سے بہرہ مند ہو جاتے۔
ہم نے تو ایک بات کی اس نے کمال کر دیا
وہ اُس وقت تک زندہ رہے گی جب تک سورج کے دیئے میں لو باقی ہے۔
Chapters / Baab of Para Para By Nusrat Zahra
پہلا باب ۔ مٹی کی گواہی
دوسرا باب ۔ خوشبو کا جنم
تیسرا باب ۔ ککر تے انگور چڑھایا!
چوتھا باب ۔ سفر میرا تعاقب کر رہا ہے
پانچواں باب ۔ افسونِ انتظارِ تمنا
پانچواں باب دوسرا حصہ ۔ افسونِ انتظارِ تمنا
چھٹا باب ۔ پارہ کی ملی اور سیاسی نظمیں
ساتواں باب ۔ بہار کی اک آخری دستک
آٹھواں باب ۔ پارہ کے خطوط
نواں باب ۔ تراجم (گیتانجلی کا البم)
دسواں باب ۔ پروین کے کالمز،گوشہِ چشم
گیارہواں باب ۔ پروین کے مضامین
بارہواں باب ۔ پروین کے لیکچرز
تیرہواں باب ۔ ادب برائے زندگی
چودھواں باب ۔ عکسِ پروین
پندرھواں باب ۔ پروین کی یادیں
پندرھواں باب دوسرا حصہ۔ پروین کی یادیں
سولہواں باب ۔ پروین کا غیر مطبوعہ کلام
سترہواں باب ۔ پروین ایک عہد ساز ادیبہ
اٹھارواں باب ۔ فصلِ گُل آئی یا اَجل آئی
انیسواں باب ۔ پروین شاکر ٹرسٹ
بیسواں باب ۔ زَرد گُلاب
اکیسواں باب ۔ بس ایک نُقطہ
اے جنوں دشت ہے کہ منزل
Ay Junoon Dasht Hai K Manzil
اپنا اپنا جبرائیل
Apna Apna Jibrail
اللہ کعبہ اور بندہ
ALLAH Kabba Or Banda
جنم جلی
Janam Jalli
رسیدی ٹکٹ
Raseedi Ticket
کنارہ
Kinara
متاع جاں ہے تو
Matta e Jaan Hai Tu
آ بیل مجھے لتاڑ
aa bail mujhe Lataar